skol
Kigali

Amb.Karega yasubije Abakongomani basabye ko yirukanwa ku butaka bwa RDC

Amakuru   Yanditswe na: Dusingizimana Remy 8 June 2022

Ambasaderi w’u Rwanda muri Repubulika Iharanira Demokarasi ya Congo, Vincent Karega ybwiye abaturage b’iki gihugu ko ibyifuzo byabo by’uko yakwirukanwa muri iki gihugu ataribyo byakemura ikibazo cy’umutekano muke uri mu burasirazuba bwacyo ahubwo ko bakwiriye kwicara bagatanga ibitekerezo by’icyakorwa ngo amahoro aboneke birambye.

Mu kiganiro Ambasaderi Karega yagiranye n’Ijwi ry’Amerika, ko Abakongomani bakwiriye kwicara bagatanga ibitekerezo n’imbaraga bigamije gufasha inzego z’ubuyobozi bwabo gukemura ikibazo cy’umutekano muke aho gushyira ibibazo ku bihugu by’abaturanyi.

Muri iki kiganiro, Ambasaderi Karega yavuze ko ibyo aba baturage bakora cyangwa basaba atari byo bizatanga ibisubizo by’ibibazo bafite, ahubwo bakwiye kwicara bakaganira n’abayobozi babo ku buryo bwo kubikemura.

Ati “Kuntandukanya n’u Rwanda biragoye, ninjye bashyikira, ninjye uri hafi ariko bituma nibaza nti ’ese ibibazo biri mu Burasirazuba, gukuraho ambasaderi cyangwa guca umubano n’u Rwanda cyangwa ndetse no kujya mu ntambara n’u Rwanda birahita bikuraho ADF?, Birahita bikuraho ibikorwa bya FDLR, bya za Mai Mai zitandukanye cyangwa se abantu bapfa muri Ituri, ni wo muti? ni cyo gisuzo?”

Yongeyeyo ati “Cyangwa Abanye-Congo bashyira ibitekerezo n’imbaraga hamwe bagafasha inzego z’ubuyobozi kunononsora uburyo abo bitwaje intwaro bazamburwa bagasubizwa mu buzima bwiza, ubushomeri bukarwanywa, imiyoborere ikaba myiza aho bari, aho guterana amagambo cyangwa se inzangano hagati y’u Rwanda na RDC kandi usanga bishingiye ku rwicyekwe n’amagambo.”

Yashimangiye ko ntawahakana ko u Rwanda na RDC bafitanye ibibazo ariko u Rwanda rushyigikiye ko hakomeza inzira y’ibiganiro igamije gukemura ibibazo by’imitwe yitwaje intwaro ikorera muri Repubulika Iharanira Demokarasi ya Congo.

Yagize ati "Baganire urwicyekwe ruveho, tujye mu bikorwa by’ubufatanye, twese duharanire ko amahoro arambye yaboneka mu Burasirazuba bwa Congo.”

Ambasaderi Karega yavuze ko nta nyungu u Rwanda rufite mu gushyigikira M23 cyangwa ibindi bikorwa byose bigamije gusenya Repubulika Iharanira Demokarasi ya Congo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sena y’u Rwanda yashimiye Perezida Kagame kubera uruhare rwe mu gutuma...

Inyeko ishinga amategeko umutwe wa Sena yashyize hanze Ubutumwa bw’ishimwe...
28 June 2022 1

Perezida Kagame yagiranye ibiganiro na Minisitiri w’Intebe wa Singapore...

Perezida Paul Kagame yakiriye muri Village Urugwiro Minisitiri w’Intebe wa...
27 June 2022 0

Perezida Kagame yashimiye abitabiriye #CHOGM2022 n’inzego z’umutekano zatumye...

Perezida Paul Kagame yashimye abitabiriye inama ya CHOGM baturutse hirya no...
26 June 2022 0

"U Rwanda nta somo rukeneye ry’indangagaciro"-Perezida Kagame

Asubiza ikibazo cy’umunyamakuru wa BBC, Perezida Paul Kagame yavuze ko nta...
26 June 2022 0

Perezida Kagame yahishuye impamvu yatumiye Emir wa Qatar mu nama ya CHOGM...

Perezida Paul Kagame yashimiye Tamim bin Hamad Al Thani, Emir wa Leta ya...
25 June 2022 1

Perezida Kagame yahawe umwanya ukomeye muri CHOGM

Nyuma y’aho u Rwanda rwakiriye inama ya CHOGM2022, Perezida Paul Kagame ni...
24 June 2022 0