skol
Kigali

Byigero wayoboraga WASAC yirukanwe ku nshingano ze

Amakuru   Yanditswe na: Dusingizimana Remy 1 July 2021

Byigero Dusenge Alfred wayoboraga WASAC yirukanwe ku mwanya we muri iki kigo hanyuma inshingano ze zihabwa by’agateganyo Umuhumuza Gisèle.

Bwana Byigero yirukanwe ku mpamvu zitatangajwe kuri uyu mwanya yari amazeho amezi atandatu n’ibyumweru bibiri kuko yagizwe Umuyobozi Mukuru wa Wasac ku wa 15 Ukuboza 2021.

Minisitiri w’Intebe yatangaje ko Perezida Kagame mu bubasha bwe ariwe wirukanye Byigero akamusimbuza by’agateganyo Umuhumuza Gisèle.

Wasac ni kimwe mu bigo bya leta byakunze kurangwamo ibibazo bishingiye ku micungire mibi y’umutungo wa leta. Raporo y’Umugenzuzi Mukuru w’Imari ya Leta ya 2019 igaragaza ko iki kigo cyahombye 2.918.096.648 Frw.

Ibi kandi byiyongeraho imicungire mibi ishingiye ku kuba hakiri ingano nini y’amazi apfa ubusa n’akoreshwa ariko ntiyishyurwe. Urugero ni nk’aho mu 2020, amazi yatunganyijwe ari meterokibe 52.399.537 ariko ayakoreshejwe akishyurwa ni meterokibe 30.781.422 bivuze ko angana na meterokibe 21.618.115 yakoreshejwe ariko ntiyishyurwe.

Ayo mazi atarishyuwe yahombeje iki kigo asaga miliyari 6,3 Frw mu gihe meterokibe imwe waba uyibariye 323 Frw nk’igiciro gito naho wayabarira ku giciro cyo hejuru cya 895 Frw bikagaragara ko igihombo cyabaye miliyari 17,4 Frw.

Wasac ifite abakozi bagera ku 1500 ku biro bikuru byayo, amashami 20 ndetse n’inganda 25 zitunganya amazi hirya no hino mu gihugu. Intego yayo ni uko abanyarwanda bose bazaba bagerwaho n’amazi meza mu 2024.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Kagame yaganiriye na Aljazeera ku mubano w’u Rwanda na...

Perezida w’u Rwanda,Paul Kagame, yaganiriye n’Ikinyamakuru Aljazeera ku...
21 November 2021 0

AMATORA:Uturere 27 two mu Rwanda twatoye ba Meya bo kutuyobora mu myaka 5...

Kuri uyu wa Gatanu mu Turere 27 two hirya no hino mu Rwanda hakozwe...
19 November 2021 0

"Nkeka ko ababikoze bashatse gutubura amafaranga gusa"-Perezida Kagame...

Ibi Nyakubahwa Perezida wa Repubulika yabitangaje ubwo yitabiraga umuhango...
19 November 2021 0

Rubavu: Abatowe muri Njyanama bahize guhindura bikomeye akarere

Mu karere ka Rubavu batoye abagize nyjanama bitezweho impinduka ikomeye ngo...
17 November 2021 0

Perezida Kagame agiye kubakira umudugudu w’icyitegererezo abakongomani umeze...

Tariki ya 4 Nyakanga 2022, ubwo u Rwanda ruzaba rwizihiza Kwibohora ku...
14 November 2021 1

Mpayimana Philippe washatse kuba Perezida yahawe inshingano muri Minisiteri...

Inama y’Abaminisitiri yateranye kuri uyu wa Gatanu yahaye Mpayimana...
13 November 2021 0