skol
Kigali
Fortebet

IBYAKOZWE N’INTUMWA EP#43:Ubuzima bwa Politiki bwa Alfred MUKEZAMFURA umujenosideri wayoboye Inteko Ishinga Amategeko y’u Rwanda

Amakuru   Yanditswe na: Dusingizimana Remy 17 September 2021

TUBARARIKIYE IKIGANIRO IBYAKOZWE N’INTUMWA EP#43 kigaruka ku buzima bwa Politiki bwa Alfred MUKEZAMFURA wayoboye Inteko Ishinga Amategeko y’u Rwanda ashinjwa ibyaha bya Jenoside ndetse nyuma Gacaca irabimuhamya akatirwa adahari.

Ese yarinzwe n’iki mu Nteko imyaka 5 yose? Yacitse gute ubutabera? Ubu aba ahe abayeho gute? Ese kuki adashakishwa nk’abandi? Hagati aho Umukobwa we aherutse kugirwa Umuyobozi muri Minisiteri y’Ubumwe bw’Abanyarwanda.Tubane muri iki kiganiro!

Mukezamfura Alfred wahoze ari Perezida w’umutwe w’abadepite mu Rwanda yahamijwe ibyaha bya jenoside n’urukiko gacaca rw’umurenge wa Nyakabanda mu mujyi wa Kigali, ahanishwa igihano cya burundu y’umwihariko.

Bwana Mukezamfura yahamijwe ibyaha byo gushishikariza abantu gukora jenoside, kugira uruhare mu rupfu rw’umunyamakuru Shabakaka wandikaga mu kinyamakuru Kiberinka, kwitwara gisirikare ndetse n’icyaha cyo gutanga imbunda.

Mu kumuhamya ibyo byaha urukiko rwashingiye ku bimenyetso bitandukanye. Ibyo birimo ubuhamya bwatanzwe n’umunyamakuru wahoze ari uwa RTLM, Valerie Bemeriki, ufunzwe. Rwashingiye kandi ku nyandiko Mukezamfura yasohoye mu kinyamakuru cya Leta, IMVAHO, numero 1046, yasohotse mu kwezi kwa 4 mu mwaka w’ 1994 . Yari umwanditsi mukuru w’icyo kinyamakuru.

Nyuma ya Jenoside, Mukezamfura Alfred, yakoze muri komisiyo yateguye itegekonshinga. Yayoboye ishyaka rya PDC, aba Depite, nyuma ayobora inteko ishinga amategeko umutwe w’abadepite. Yarangije manda ye mu kwezi kwa 9 umwaka wa 2008.

Yahunze igihugu abeshya ko agiye kwivuza mu Bubiligi mu ntangiriro z’umwaka wa 2009. Urubanza rwe rwaburanishijwe mu rwego rwa mbere mu kwezi kwa 9 mu mwaka wa 2009.

Alfred MUKEZAMFURA! Umujenosideri wayoboye Inteko akarangiza Manda //IBYAKOZWE N’INTUMWA EP#43

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwabwije ukuri Amerika ku kibazo cya Paul Rusesabagina

Minisitiri w’Ububanyi n’amahanga n’ubutwererane w’u Rwanda, Dr Vincent hamwe...
11 August 2022 0

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0