skol
Kigali

IFOTO Y’UMUNSI:Perezida Museveni yagarutse mu Rwanda mu dukoryo twinshi

Amakuru   Yanditswe na: Dusingizimana Remy 23 June 2022

Perezida wa Uganda,Yoweri Kaguta Museveni yakoze udushya tudasanzwe mu rugendo rwo kongera gusura u Rwanda yaherukagamo mu mwaka wa 2017.

Perezida Museveni witabiriye inama ya CHOGM iri kubera mu Rwanda,yabanje gutwika imbuga nkoranyambaga n’ibinyamakuru ubwo yashyiraga hanze ifoto ari kwinjira muri kajugujugu ya gisirikare yarangiza akavuga ko aje i Kigali muri iyi nama.

Benshi bahise bibaza ukuntu umukuru w’igihugu asura ikindi aziye mu ndege ya gisirikare ariko uyu muyobozi ukundwa na benshi kubera uko asabana n’abantu yaje kuyivamo imugejeje hafi y’umupaka wa Gatuna uhuza Rwanda-Uganda.

Akigera ku mupaka wa Gatuna yaciye iy’ubutaka yinjira mu Rwanda n’imodoka. akigera kuri uyu mupaka yahagaze asuhuza abaturage ndetse abaganiriza mu Kinyarwanda gato mbere yo gukomeza urugendo.

Perezida Museveni nabwo yasuhuje abaturage ageze Nyabugogo ndetse nabo bamwakiriza amashyi menshi y’urufaya.

Perezida Museveni yaherukaga mu Rwanda mu 2017 ubwo habaga ibirori byo kurahira kwa Perezida Kagame. Ni na rwo ruzinduko rwa mbere Museveni agiriye mu Rwanda nyuma y’izahuka ry’umubano warwo na Uganda, bigizwemo uruhare n’umuhungu we akaba n’Umugaba w’Ingabo za UPDF zirwanira ku Butaka, Gen. Muhoozi Kainerugaba.

Umubano wa Uganda n’u Rwanda wazahutse wari umaze imyaka itanu urimo agatotsi. Guhera muri Gashyantare 2022, ibimenyetso byo kuwubyutsa byaragaragaye ku ruhande rwa Uganda binyuze kuri Gen Muhoozi.

Taliki 22 Mutarama 2022, ni bwo Gen Muhoozi yasesekaye i Kigali agirana ibiganiro na Perezida Kagame, byatanze umusaruro ufatika kuko umupaka wa Gatuna wahise ufungurwa nyuma y’icyumweru gimwe gusa.

Ku ya 14 Werurwe 2022, ni bwo Gen Muhoozi yagarutse mu Rwanda yakirwa na Perezida Kagame, aho baganiriye ku gukemura ibibazo byari bikibogamiye umubano w’u Rwanda na Uganda.

Taliki ya 22 Mata, Perezida Kagame yitabiriye ubutumire bwa Gen Muhoozi wari wizihije isabukuru y’amavuko y’imyaka 48, unama umwanyawo guhura kwe na Perezida Museveni.

Izahuka ry’umubano w’u Rwanda na Uganda ryaje rikenewe, nubwo hari bamwe babihombeyemo batifuzaga ko ibihugu byombi byasubira kongera kugenderana.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sena y’u Rwanda yashimiye Perezida Kagame kubera uruhare rwe mu gutuma...

Inyeko ishinga amategeko umutwe wa Sena yashyize hanze Ubutumwa bw’ishimwe...
28 June 2022 1

Perezida Kagame yagiranye ibiganiro na Minisitiri w’Intebe wa Singapore...

Perezida Paul Kagame yakiriye muri Village Urugwiro Minisitiri w’Intebe wa...
27 June 2022 0

Perezida Kagame yashimiye abitabiriye #CHOGM2022 n’inzego z’umutekano zatumye...

Perezida Paul Kagame yashimye abitabiriye inama ya CHOGM baturutse hirya no...
26 June 2022 0

"U Rwanda nta somo rukeneye ry’indangagaciro"-Perezida Kagame

Asubiza ikibazo cy’umunyamakuru wa BBC, Perezida Paul Kagame yavuze ko nta...
26 June 2022 0

Perezida Kagame yahishuye impamvu yatumiye Emir wa Qatar mu nama ya CHOGM...

Perezida Paul Kagame yashimiye Tamim bin Hamad Al Thani, Emir wa Leta ya...
25 June 2022 1

Perezida Kagame yahawe umwanya ukomeye muri CHOGM

Nyuma y’aho u Rwanda rwakiriye inama ya CHOGM2022, Perezida Paul Kagame ni...
24 June 2022 0