Inama y’Abaminisitiri yemeje ivugurura ry’ltegeko Nshinga ryatangijwe na Perezida wa Repubulika, hagamijwe guhuza ingengabihe y’amatora y’Abagize lnteko Ishinga Amategeko n’itora rya Perezida wa Repubulika.
Itangazo ry’Ibyemezo by’Inama y’Abaminisitiri yateranye kuri uyu wa Gatanu tariki 24 Werurwe 2023,iyobowe na nyakubahwa Perezida Paul Kagame.
1.Inama y’Abaminisitiri yemeje imyanzuro y’Inama y’Abaminisitiri yeteranye ku wa 30 Mutarama 2023.
2.Inama y’Abaminisitiri yemeje ivugurura ry’Itegeko (...)

Sponsored Ad

Inama y’Abaminisitiri yemeje ivugurura ry’ltegeko Nshinga ryatangijwe na Perezida wa Repubulika, hagamijwe guhuza ingengabihe y’amatora y’Abagize lnteko Ishinga Amategeko n’itora rya Perezida wa Repubulika.

Itangazo ry’Ibyemezo by’Inama y’Abaminisitiri yateranye kuri uyu wa Gatanu tariki 24 Werurwe 2023,iyobowe na nyakubahwa Perezida Paul Kagame.

1.Inama y’Abaminisitiri yemeje imyanzuro y’Inama y’Abaminisitiri yeteranye ku wa 30 Mutarama 2023.

2.Inama y’Abaminisitiri yemeje ivugurura ry’Itegeko Nshinga ryatangijwe na Perezida wa Repubulika hagamije guhuza ingengabihe y’amatora y’Abagize Inteko Ishinga Amategeko n’itora rya Perezida wa Repubulika.

3.Hashingiwe ku ngingo ya 228 y’itegeko ryerekeye imiburanishirize y’imanza z’inshinjabyaha, abantu bakatiwe n’urukiko nyuma yo guhamwa n’ibyaha bifitanye isano n’iterabwoba bahawe imbabazi binyujijwe mu iteka rya Perezida nyuma yo gusuzuma ubusabe bw’imbabazi bwabo:

Paul Rusesabagina
Nsabimana Callixte wiyise Sankara

Abandi bantu 18 bo muri MRCD-FLN bakatiwe hamwe n’abayobozi babo, Paul Rusesabagina na Nsabimana Callixte bahawe imbabazi rusange hakurikijwe ingingo ya 229.

Abandi bantu batatu bakatiwe mu zindi manza bahawe imbabazi binyuze mu ngingo ya 228.

Ronaldo Bill Rutayisire
Justin Nsengiyumva
Ephraim Rwamwenge
Abandi bantu 358 bakatiwe n’inkiko ku byaha bitandukanye bahawe imbabazi hakurikijwe ingingo ya 229.

4. Inama y’Abaminisitiri yemeje imishinga y’amategeko ikurikira:

Umushinga w’itegeko rishyiraho Ishuri Rikuru Nyafurika ryigisha ibijyanye n’inganda zikora ibishingiye ku binyabuzima

Umushinga w’Itegeko rigenga iyandikwa ry’abaturage muri sisitemu y’Igihugu y’indangamuntu koranabuhanga

Umushinga w’Itegeko ryemeza kwemeza burundu amasezerano ashyiraho Smart Africa Alliance

Umushinga w’Itegeko ryemera kwemeza burundu amasezerano y’inguzanyo hagati ya Leta y’u Rwanda n’Ikigega Mpuzamahanga gishinzwe guteza imbere ubuhinzi, yerekeranye n’inguzanyo yerekeye umushinga wo guteza imbere umuco w’ihiganwa ku bacuruzi bato bagemura mu mahanga ibikomoka ku buhinzi.

Umushinga w’Itegeko ryemera kwemeza burundu amasezerano y’impano hagati ya Agence Francaise de Developement na Repubulika y’u Rwanda yerekeranye n’impano igenewe umushinga wo gushyigikira inyigisho z’ubumeyi n’ireme ry’ubumenyi mbonezamurimo.

Umushinga w’Itegeko rigenga ihanahana ry’amakuru mu buryo bwikoresha ku mpamvu z’imisoro

Umushinga w’itegeko rikumira kandi rihana iyezandonke, gutera inkunga iterabwoba no gutera inkunga ikwirakwizwa ry’intwaro za kirimbuzi.

Umushinga w’Itegeko ryemeza kwemeza burundu amasezerano yo kurwanya ihohoterwa no guhoza undi ku nkeke.

5. Inama y’Abaminisitiri yemeje Iteka rya Perezida rigenga Ikigega cyo gutera inkunga serivisi z’itumanaho.

6. Inama y’Abaminisitiri yemeje amasezerano akurikira:

Iteka rya Perezida ryemeza burundu amasezerano mpuzamahanga y’i Budapest akumira ibyaha bikoreshejwe ikoranabuhanga n’umugereka wayo werekeye guhana ibikorwa byo gutoteza andi moko n’abanyamahanga bikorerwa kuri mudasobwa n’imiyoboro yayo.

Amasezerano hagati ya Guverinoma y’u Rwanda n’Ubunyamabanga bw’Isoko Rusange rya Afurika hamwe na African Export Import Bank arebana no kugira icyicaro mu Rwanda.

7. Inama y’Abamnisitiri yemeje politiki, porogaramu na gahunda zikurikira:

Politiki y’Igihugu yo gukumira no kurwanya iyezandonke, gutera ubwoba iterabwoba no gutera inkunga ikwirakwizwa ry’intwaro za kirimbuzi

Gukodesha ubutaka bwa leta buri mu mutungo bwite wayo, bugahabwa IHS Rwanda kugira ngo ibukoreshe ibikorwa by’ishoramari.

Itangwa ry’ubutaka bwa leta bugahabwa Huye Trading Company Ltd, kugira ngo bwubakweho inyubako z’ishoramari.

8. Inama y’Abaminisitiri yemeje abahagarariye ibihugu n’imiryango mpuzamahanga bakurikira:

Madamu Wiegman Joan Jacobje Jantina, Ambasaderi w’Ubwami bw’u Buholandi mu Rwanda afite icyicaro i Kigali.

Madamu Heike Utta Dettman, Ambasaderi wa Leta Yunze Ubumwe y’u Budage afite icyicaro i KIgali.

Bwana Mesfin Gebremariam Shawo, Ambasaderi wa Repubulika Yunze Ubumwe ya Ethiopie afite icyicaro i KIgali.

Bwana Mohamed Mellah, Amabasaderi wa Algeria mu Rwanda afite icyicaro i KIgali,

Bwana Ruzaimi Bin Mohammed, High Commissioner wa Malaysia mu Rwanda afite icyicaro i Nairobi.

Bwana Nounke Kaba, Ambasaderi wa Guinea mu Rwanda afite icyicaro i Addis Ababa.

Abahagarariye inyungu z’ibihugu (Honorary Consuls

Bwana Giovani Davite, Uhagarariye inyungu z’u Butaliyani mu Rwanda

Bwana Andras Schonek, uhagarariye inyungu z’u Rwanda muri Leta ya Hongrie.

Uhagarariye Umuryango Mpuzamahanga

Madamu Caroline Raes uhagararariye Umuryango MPuzamahana witwa Global Green Growth Institute mu Rwanda

9. Mu bindi

Minisitiri w’Ubumwe bw’Abanyarwanda n’Inshingano Mboneragihugu yamenyesheje Inama y’Abaminisitiri ko ku wa Mbere tariki 27 Werurwe 2023, i Kigali hateganyijwe igikorwa cy’isozwa ry’itorero ry’Abanyamabanga Nshingwabikorwa b’Utugari bose mu Rwanda batorejwe mu Kigo cy’Ubutore mu Karere ka Burera, kuva ku itariki 19 Gashyantare 2023.

Minisitiri w’Intebe, Dr Edouard Ngirente ni we washyize umukono kuri iri tangazo