skol
Kigali

Jeannette Kagame yasabye ko umugore akurirwaho imbogamizi zimubuza kugaragaza ko ashoboye

Amakuru   Yanditswe na: Nsanzimana Ernest 1 December 2018

Jeannette Kagame, umugore wa Perezida wa Repubulika y’u Rwanda, yasabye abatuye isi kuvanaho imbogamizi zose zabangamira gahunda yo guha urubuga umugore n’umukobwa ngo nawe yerekane ko ashoboye.


Jeannette Kagame yabitangarije I New York ubwo yagezaga ikiganiro ku bitabiriye inama ya 14 y’umuryango utari uwa leta World Vision, ku nsanganyamatsiko igira iti: “Umugore ushoboye, isi ishoboye”.

Jeannette Kagame yavuze ko kugirango ibi bigerweho, hagomba kongerwa imbaraga mu guhindura umuco wo kumva ko hari imirimo imwe n’imwe umugore atatunganya kimwe na mugenzi we w’umugabo.

Yagarutse ku mateka y’u Rwanda, ndetse n’iterambere igihugu cyigezeho cyane cyane mu kongerera ubushobozi umugore, ndetse n’uruhare rwa sosiyete mu iterambere ry’umugore n’umwana w’umukobwa.

Kagame yavuze ko umugore afite ubushobozi bwo kuzana impinduka zikenewe.

Muri iyi nama ya 14 y’uyu muryango utari uwa leta, abafatanyabikorwa baturutse mu mpande zitandukanye z’isi bishimiye ubushobozi bw’umukobwa n’umugore, ari nako kandi bongera imbaraga mu gushora imari mu gahunda zishimangira intero igira iti : ‘arashoboye’.

Madame Jeannette Kagame, ni umuyobozi mukuru w’imbuto foundation, umuryango wihebeye ibikorwa bitandukanye by’urukundo, nko ugufasha ibihumbi by’abakobwa n’abagore n’abakobwa.

Agendeye ku uyu muryango ayoboye, madame Kagame yabwiye abitabiriye iyi nama ko abafatanyabikora bagikenewe kugirango abakobwa n’abagore bongere batere indi ntambwe.

Yagize ati: “Turacyakeneye abafatanyabikorwa, kugirango tuvaneho imbogamizi isigaye ariyo myumvire igikomeje kudindiza no gupfobya ubushobozi bw’umugore n’umukobwa, bityo ubushobozi yifititemo bukagaragara”.

Yatanze urugero rwo mu Rwanda, aho uruhare rw’umugore ruri guhinduka, ndetse n’amahirwe akaba arimo kwiyongera, kugirango bagendane n’iterambere ry’abagize sosiyete bose.

Nk’ uko Kigalitoday yabitangaje Jeannette Kagame yavuze ko inshingano z’ umugore zarahindutse zitakiri ukuba umubyeyi no kwita ku muryango gusa,ngo ubu abagore bari kugira uruhare rufatikra nk’abayobozi.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble amani

    Ni byiza turabishyigikiye your excellency first lady ariko nukuri mujye mudukeburira abagore bagandukire abagabo babo nkuko bibiliya ibivuga,wenda mwe babumva,umugore wo mu Rwanda ntakivugwa ntacyumva,uramukosoraho gato uri umugabo we ati nkoraho zikurye,Rwose iterambere ryumugore turarishyigikiye ariko mudufashe mukebure abagore bamwe bigize intakoreka
    be basuzugura abagabo babo bakanabaca inyuma bikavamo imfu za hato na hato zabaye nyinshi ndetse nama divorce menshi.Murakoze

    December 2018

Inzindi nkuru

U Rwanda n’u Burundi bari hafi gukemura ikibazo cy’abagerageje ’Coup d’État’...

Minisitiri w’Intebe, Dr Ngirente, yabwiye abanyamakuru kuri uyu wa Gatatu ko...
19 May 2022 0

"Ndagira ngo mbabwire ko bazaza vuba"-Minisitiri w’Intebe avuga ku bimukira...

Minisitiri w’Intebe,Dr Ngirente Edouard yatangaje ko vuba ahaabimukira...
19 May 2022 0

Minisitiri w’intebe yavuze kuri Dosiye ya Bamporiki n’icyo Leta yiteguye...

Mu kiganiro n’itangazamakuru ku buzima bw’igihugu, Minisitiri w’Intebe yavuze...
18 May 2022 0

"Uganda ntikiri indiri iboneye ku batoroka Leta y’u Rwanda": Mugabe...

Umubano w’u Rwanda na Uganda ukomeje gutera intambwe uzahuka umunsi ku wundi...
18 May 2022 0

Mgr Papias Musengamana yaramburiweho ibiganza mu umuhango wo kumuha...

Kuri uyu wa Gatandatu kuri Stade ya Gicumbi muri Diyosezi ya Byumba,...
14 May 2022 0

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1