Minisitiri w’ intebe w’ u Rwanda Anastase Murekezi ku gicamunsi cyo kuri uyu wa Kabiri tariki 28 Werurwe 2017 yakiriye indahiro z’ abashinjacyaha batatu ba gisirikare abasaba kuzarangwa n’ ikinyabumfura kuko aricyo kizatuma bagirirwa icyizere.
Hon. Murekezi yabwiye abarahiriye inshingano ko indahiro barahiriye bayigiranye n’ Abanyarwanda abibutsa ko kuyitatira ari uguhemukira igihugu.
Yagize ati “Indahiro ni igihango hagati y’abayigiranye, iyo mukoze muyigiranye n’Abanyarwanda bose, kuyitatira (...)

Sponsored Ad

Minisitiri w’ intebe w’ u Rwanda Anastase Murekezi ku gicamunsi cyo kuri uyu wa Kabiri tariki 28 Werurwe 2017 yakiriye indahiro z’ abashinjacyaha batatu ba gisirikare abasaba kuzarangwa n’ ikinyabumfura kuko aricyo kizatuma bagirirwa icyizere.

Hon. Murekezi yabwiye abarahiriye inshingano ko indahiro barahiriye bayigiranye n’ Abanyarwanda abibutsa ko kuyitatira ari uguhemukira igihugu.

Yagize ati “Indahiro ni igihango hagati y’abayigiranye, iyo mukoze muyigiranye n’Abanyarwanda bose, kuyitatira ni uguhemukira igihugu”.

Minisitiri w’ Intebe yibukishije abo bashinjacyaha ba gisirikare abo bashinzwe gukurikirana abo aribo abereka ikizabafasha kunoza neza inshingano yabo.

Ati “Inshingano yanyu y’ingenzi ni ugukurikirana umuntu wese ukekwaho gukora icyaha ari umusirikare cyangwa afatanyije n’abasirikare. Kugira ngo mwuzuzuze neza inshingano zanyu, murasabwa guhora murangwa na disipulini n’ubunyangamugayo aho muri hose”.

Yakomeje agira ati “Ubunyangamugayo bwanyu nibwo buzatuma abantu babagirira icyizere kuko bazaba bazi ko muganisha ku bucamanza butabera”

Yunzemo ati "Muzagire intego gukoresha ikoranabuhanga,ryihutisha akazi,rituma abantu bakorera mu mucyo rizabafasha gutahura abanyabyaha. Muzakore cyane kdi vuba kuko Guverinoma y’u Rwanda ntiyifuza ko Urwego rw’Ubutabera rwagaragaramo amadosiye y’ibirarane"

Minisitiri w’ intebe yifurije abarahiye kuzagira imirimo mwiza no gukora ku nshingano zabo.

Abarahiye ni Capt. Vincent NDAYISABA, Chrsitian KAYITARE na Lt. C MUHAWENIMANA.