skol
Kigali

"Ntegereje ko duhura tukarushaho kunoza umubano w’ibihugu byacu"-Ibaruwa Perezida Kagame yandikiye mugenzi we Ndayishimiye

Amakuru   Yanditswe na: Dusingizimana Remy 2 July 2021

Kuwa 28 Kamena 2021,Perezida Kagame yandikiye ibaruwa mugenzi we Evariste Ndayishimiye amushimira ko yamutumiye mu birori byo kwizihiza imyaka 59 u Burundi bumaze bubonye ubwigenge ndetse amubwira ko yifuza ko bazahura bakanoza umubano w’ibihugu byombi.


Muri iyi baruwa,Perezida Kagame atangira ashimira Perezida Ndayishimiye kuba yaramutumiye muri uriya muhango wo kwizihiza isabukuru y’imyaka 59 u Burundi bumaze bubonye ubwigenge.

Ikomeza ivuga ko ubwo butumire bugaragaza ubushake bw’u Burundi mu kongera kubura umubano w’ibihugu byombi umaze imyaka isaga 6 urimo igitotsi.

Perezida Kagame yabwiye mugenzi we ko atazabasha kuboneka muri uriya muhango ariko ko “nzohereza itsinda rizaba riyobowe na Minisitiri w’Intebe Edouard Ngirente uzaba ampagarariye muri uyu muhango udasanzwe.”

Perezida Kagame yavuze ko Abanyarwanda muri rusange na Guverinoma y’u Rwanda ndetse nawe ku giti cye, bamwifuriza amahoro n’uburumbuke yaba we ndetse n’Abarundi bose mu gihe bizihiza iyi sabukuru y’ubwigenge.

Perezida Kagame yasoje avuga ko ategereje ko bazahura [we na Evariste Ndayishimiye] mu gihe bakomeje gukorana mu gushimangira umubano wa kivandimwe w’ibihugu byabo.

Perezida Ndayishimiye nawe yagaragaje ko yishimiye ubu butumwa bwa Perezida Kagame mu birori byo ku munsi w’ejo ndetse yabwiye Dr.Edouard Ngirente ko "Ku barundi urugendo yahagiriye ari nk’ikigitangaza babonye".

Perezida w’Uburundi Evariste Ndayishimiye yavuze ko umunsi w’ejo wabaye ikimenyetso cy’igitabo gishya Uburundi n’u Rwanda bagiye kwandika mu mubano.

Ati: "Turizeye rero ko ivya kera turiko turabisozera, ibishasha bigira bishike.

"Nico gituma uyu munsi w’itariki ya mbere Mukakaro [1/7] itubereye ikimenyetso gikomeye cane ku barundi."

Imbere y’abanyacyubahiro batandukanye,Dr.Edouard Ngirente yavuze ko igihe kigeze ko ibihugu byombi bikorana ku neza y’abanyagihugu babyo.

Yagize ati: "Mfite icyizere ko twese twiteguye gushimangira no guteza imbere umubano wa gicuti n’ubutwererane usanzweho ku nyungu z’abaturage b’ibihugu byombi.

"Igihe kirageze ngo Urwanda n’Uburundi byishingikirize inkingi zikomeye zifite imizi mu mateka no mu mucyo kugirango tugere ku bukungu n’iterambere birambye".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Mubihindure cyangwa namwe muhindurwe"-Perezida Kagame abwira abayobozi...

Perezida Kagame yabwiye abayobozi bo mu nzego z’ibanze baherutse gutorwa ko...
29 November 2021 0

Umufasha wa Perezida w’U Burundi yahaye ubutumwa bukomeye Jeannette...

Umugore wa perezida w’u Burundi, Angeline Ndayishimiye Ndayubaha, yatangaje...
29 November 2021 0

U Rwanda rwahagaritse ingendo z’indege hagati yarwo n’ibihugu byo mu majyepfo...

Inama y’Abaminisitiri yateranye kuri iki Cyumweru tariki ya 28 Ugushyingo...
28 November 2021 1

Inama y’Igihugu y’Umushyikirano yasubitswe umwaka ushize yagarutse

Inama y’Igihugu y’Umushyikirano igiye kuba ku nshuro ya 18 aho biteganyijwe...
27 November 2021 0

Perezida Kagame yaganiriye na Aljazeera ku mubano w’u Rwanda na...

Perezida w’u Rwanda,Paul Kagame, yaganiriye n’Ikinyamakuru Aljazeera ku...
21 November 2021 0

AMATORA:Uturere 27 two mu Rwanda twatoye ba Meya bo kutuyobora mu myaka 5...

Kuri uyu wa Gatanu mu Turere 27 two hirya no hino mu Rwanda hakozwe...
19 November 2021 0