skol
Kigali

Perezida Kagame asanga gucyura impunzi z’ Abarundi atari wo muti w’ ibibazo biri mu Burundi

Amakuru   Yanditswe na: 18 December 2016

Perezida Kagame yatangaje ko gusubiza iwabo Abarundi bahungiye mu Rwanda atari wo muti w’ibibazo iki gihugu gifite ahubwo ko mbere yo gufata uyu mwanzuro hakwiye kubanza kurebwa ku ngaruka wagira.

Mu kiganiro n’Abanyamakuru cyabaye kuwa Gatanu tariki ya 16 Ukuboza 2016 nyuma y’Inama y’Igihugu y’Umushyikirano, Perezida Kagame yabajijwe icyo atekereza ku magambo y’uwahoze ari Perezida wa Tanzania, Benjamin Mkapa, wagenwe nk’umuhuza mu kibazo cy’u Burundi, wavuze ko ibihugu bicumbikiye Abarundi byabohereza mu gihugu cyabo.

Kuva mu ntangiriro z’umwaka ushize, impunzi z’Abarundi zigera hafi ku bihumbi 80 zahungiye mu Rwanda nyuma y’imvururu zibasiye iki gihugu ziturutse kuri kandidatire ku mwanya w’Umukuru w’Igihugu ya Perezida Pierre Nkurunziza.

Mkapa wari mu Burundi mu ntangiriro z’uku kwezi yavuze ko ibihugu bicumbikiye abadashyigikiye u Burundi byabasubiza mu gihugu cyabo.

Kuri iki Perezida Kagame yavuze ko ‘hari ibintu byinshi biba bikwiye kurebwa’. Yongeyeho ko hakwiye ibiganiro mu rwego rwo kurebera hamwe icyakorwa mu gushakira umuti ikibazo naho ubundi ‘guhambiriza abantu’ ngo ntabwo ari ibintu bigoranye.

Umukuru w’Igihugu yavuze ko mbere yo gusaba izi mpunzi ko zisubira mu gihugu cyazo, hari ibintu byinshi bikwiye kurebwa; birimo impamvu ndetse n’ingaruka bishobora kuba byatera.

Ati “Ubu tuzabyuke maze tubwire impunzi z’Abarundi 80 000 ziri inaha ngo nimutahe ibintu bimeze neza? […] Kubwira impunzi ngo nimufate utwangushye mutahe biroroshye. Ikibazo ni ingaruka byatera kuri izo mpunzi.”

Perezida Kagame yakomeje avuga ko hakwiye ibindi bisobanuro kuri iki naho ubundi ‘guhambiriza abantu biroroshye, bagasubira iyo bavuye gusa ingaruka zabyo ziruta kubirukana ubwabyo’.

Yakomeje ashimangira ko u Rwanda rwiteguye gutanga umusanzu warwo mu gukemura ibibazo u Burundi bufite ndetse n’aho bishoboka mu Karere.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umufasha wa Perezida w’U Burundi yahaye ubutumwa bukomeye Jeannette...

Umugore wa perezida w’u Burundi, Angeline Ndayishimiye Ndayubaha, yatangaje...
29 November 2021 0

U Rwanda rwahagaritse ingendo z’indege hagati yarwo n’ibihugu byo mu majyepfo...

Inama y’Abaminisitiri yateranye kuri iki Cyumweru tariki ya 28 Ugushyingo...
28 November 2021 0

Inama y’Igihugu y’Umushyikirano yasubitswe umwaka ushize yagarutse

Inama y’Igihugu y’Umushyikirano igiye kuba ku nshuro ya 18 aho biteganyijwe...
27 November 2021 0

Perezida Kagame yaganiriye na Aljazeera ku mubano w’u Rwanda na...

Perezida w’u Rwanda,Paul Kagame, yaganiriye n’Ikinyamakuru Aljazeera ku...
21 November 2021 0

AMATORA:Uturere 27 two mu Rwanda twatoye ba Meya bo kutuyobora mu myaka 5...

Kuri uyu wa Gatanu mu Turere 27 two hirya no hino mu Rwanda hakozwe...
19 November 2021 0

"Nkeka ko ababikoze bashatse gutubura amafaranga gusa"-Perezida Kagame...

Ibi Nyakubahwa Perezida wa Repubulika yabitangaje ubwo yitabiraga umuhango...
19 November 2021 0