skol
Kigali
Fortebet

Perezida Kagame yagiriye urugendo rw’iminsi 2 muri Mozambike

Amakuru   Yanditswe na: Dusingizimana Remy 24 September 2021

Perezida w’u Rwanda, Paul Kagame yageze muri Mozambique aho yagiriye uruzinduko rw’iminsi ibiri nk’uko byatangajwe n’Ibiro bya Perezidansi bishinzwe itumanaho, mu gitondo cyo kuri uyu wa Gatanu, tariki ya 24 Nzeri.


Ubutumwa bwashyizwe hanze buvuga ko kuri uyu munsi wa mbere w’uruzinduko rw’Umukuru w’Igihugu, biteganyijwe ko agirana ibiganiro
n’ingabo z’u Rwanda zoherejwe muri Mozambique.

Izi ngabo zigera ku 1000 zirimo abasirikare n’abapolisi ziri muri Mozambique aho zifatanya n’igisirikare cy’iki gihugu (FADM) ndetse n’izavuye mu Muryango w’Ubukungu w’Ibihugu byo muri Afurika y’Amajyepfo (SADC).

By’umwihariko ingabo z’u Rwanda zoherejwe mu Ntara ya Cabo Delgado mu Majyaruguru y’Uburasirazuba bwa Mozambique, mu bikorwa byo kubohoza imijyi itandukanye yari yarigaruriwe n’imitwe y’iterabwoba aho zifatanya n’ingabo za Mozambique.

Ibikorwa by’ingabo z’u Rwanda n’iza Mozambique bimaze gutanga umusaruro kuko hari Imijyi yamaze kuvanwa mu maboko y’imitwe y’iterabwoba irimo Mocimboa da Praia n’iyindi.

Muri uru ruzinduko kandi, Perezida Kagame aragirana ibiganiro na mugenzi we Filipe Nyusi, biza gukurikirwa n’inama ihuza amatsinda y’abahagarariye ibihugu byombi.

Biteganyijwe kandi ko aba bakuru b’ibihugu bakurikirana igikorwa cy’isinywa ry’amasezerano y’ubufatanye mu nzego zitandukanye kandi bakagirana ikiganiro n’abanyamakuru.

Naho ku munsi wa kabiri w’uruzinduko rwe, Perezida Kagame azifatanya na mugenzi we Philip Nyusi mu birori by’Umunsi w’Ingabo bizabera kuri Stade iherereye ahitwa Pemba.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0

Umujyi wa Kigali ugiye gutangira gushyira muri VUP abazunguzayi

Umujyi wa Kigali watangaje ko ufite gahunda yo gufasha abazunguzayi kugira...
6 August 2022 1