Perezida Paul Kagame uri Baku muri Azerbaijan mu Nama ya Loni yiga ku mihindagurikire y’ibihe (COP29), yabonanye n’Igikomangoma cya Jordan Al Hussein bin Abdullah.

Sponsored Ad

Ibiro by’Umukuru w’Igihugu (Village Urugwiro) byatangaje ko Ibiganiro byabo byibanze ku mubano ufitiye inyungu u Rwanda na Jordan.

Igihugu cy’u Rwanda n’icya Jordan bisanzwe bifitanye umubano mwiza, ndetse abayobozi mu nzego nkuru zabyo basanzwe bagendererana.

Ibihugu byombi bifitanye amasezerano agamije kurushaho gushimangira umubano w’ibihugu byombi.

Ayo masezerano arimo ayerekeye gukuraho gusoresha kabiri ibicuruzwa, no gukumira kunyereza imisoro, ubufatanye mu rwego rw’ubuzima, mu by’ubukungu n’ubucuruzi no mu bijyanye n’ubuhinzi n’ibindi.