skol
Kigali

Perezida Kagame yakiriye abambasaderi bashya ba Vietnam, Oman na Koreya y’Epfo

Amakuru   Yanditswe na: Dusingizimana Remy 27 October 2020

Ibihugu bya Koreya y’Epfo, Oman na Vietnam byoherereje ababihagararira mu Rwanda, bakaba bagejeje inyandiko z’ubutumwa bwabo(credential letters) kuri Perezida wa Repubulika, Paul Kagame kuri uyu wa kabiri.


Ambasaderi mushya wa Koreya y’Epfo, Jin-Weon Chae ufite icyicaro i Kigali, yijeje Perezida Kagame ko umubano w’ibihugu byombi ugiye kurushaho guteza imbere ubutwererane busanzweho, ubukungu n’ubucuruzi by’umwihariko.

Koreya y’Epfo isanzwe ifite ikigo gishinzwe Iterambere mpuzamahanga (KOICA) cyohereza amafaranga, ibikoresho n’abakozi bashinzwe kwigisha no guhugura Abanyarwanda mu bijyanye n’uburezi, ubuhinzi n’ikoranabuhanga.

Uretse ubwo butwererane, mu Rwanda hamaze kuza ibigo icyenda by’abashoramari b’abanya-Koreya y’Epfo kuva muri 2012-2020 byashoye imari ingana n’Amadolari ya Amerika miliyoni 265.5 (ararenga amanyarwanda miliyari 260).

Ibigo bizwi cyane birimo icyitwa Korea Telecom (KT) gicuruza ikoranabuhanga rishingiye kuri murandasi yihuta cyane ya 4G, ndetse n’icyitwa HeWorks gihinga ibobere kikanatunganya indodo zituruka ku dusimba twitwa amagweja(silk) turya ibobere.

Iki kigo HeWorks kivuga ko mu mwaka utaha wa 2021 kizaba cyashinze uruganda rutunganya indodo z’amagweja mu Bugesera, rukazatanga imirimo ku bakozi b’Abanyarwanda barenga 3,000.

Undi mwambasaderi Perezida Kagame yakiriye kuri uyu wa 27 Ukwakira 2020, ni uwitwa Saleh Bin Suleiman Bin Ahmed Al-Harthi w’ubwami bwa Oman, ufite icyicaro i Nairobi muri Kenya.

Saleh avuga ko umubano wa Oman n’u Rwanda uhera ahagana mu myaka y’1900, ukaba ushingiye ahanini ku guhererekanya ibicuruzwa, ugiye kurushaho gutera imbere.

Mu bicuruzwa Oman yohereza mu Rwanda higanjemo ibikomoka kuri peterori biri ku rugero rwa 82%, naho ibyo u Rwanda rwohereza muri icyo gihugu bikaba ari imboga n’ibiribwa byatunganyirijwe mu nganda.

Mu myaka ya 2017 na 2018 abashoramari b’abanya-Oman bazanye mu Rwanda ubucuruzi bufite agaciro k’amadolari ya Amerika miliyoni 3.2 (ahwanye n’amanyarwanda hafi miliyari eshatu).

Ambasaderi Saleh yavuze ko umubano n’ubuhahirane bigiye kwagukira mu bijyanye n’uburezi, mu bucuruzi bw’amabuye y’agaciro ndetse no mu bukerarugendo.

Yagize ati “Muri Oman natwe dutegereje Abanyarwanda baza bakareba amahirwe dufite, ni igihugu gikora ku nyanja gifite ibyambu binini, turabararitse”.

Uwa gatatu mu bambasaderi Perezida Kagame yakiriye ni Nguyen Nam Yien uhagarariye igihugu cya Vietnam mu Rwanda, akaba afite icyicaro i Dar Es Salam muri Tanzania.

Vietnam isanzwe ifitanye umubano n’u Rwanda kuva mu 1975, ariko amasezerano y’ubutwererane akaba yarashyizweho umukono n’ibihugu byombi mu mwaka wa 2000, ndetse na nyuma yaho muri 2008, Perezida Kagame akaba yarasuye icyo gihugu ku butumire bwa mugenzi we.

Icyo gihe Leta zombi zashyize umukono ku masezerano yo guteza imbere ubuhinzi, ubuzima n’uburezi.

Ambasaderi Nguyen avuga ko umubano w’ibihugu byombi uzanashingira ku nkunga bihana mu mahuriro mpuzamahanga, nko mu muryango w’Abibumbye(UN) ndetse no muri Afurika yunze Ubumwe(AU).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

IBYAKOZWE N’INTUMWA EP#43:Ubuzima bwa Politiki bwa Alfred MUKEZAMFURA...

TUBARARIKIYE IKIGANIRO IBYAKOZWE N’INTUMWA EP#43 kigaruka ku buzima bwa...
17 September 2021 0

IKIGANIRO IBYAKOZWE N’INTUMWA EP#42: Byinshi kuri Dr.Kayumba Christopher...

IKIGANIRO IBYAKOZWE N’INTUMWA EP#42 kiragaruka ku buzima bwa Dr. KAYUMBA...
14 September 2021 0

Ibyo Perezida Kagame yasabye abitabiriye inama nkuru y’Ubuyobozi bw’Ingabo...

Perezida Paul Kagame yasabye abagize inzego z’umutekano z’u Rwanda guharanira...
10 September 2021 0

Perezida Kagame yahaye abasirikare 5 ipeti rya Colonel

Perezida Paul Kagame akaba n’Umugaba w’Ikirenga w’Ingabo z’u Rwanda yazamuye...
10 September 2021 0

IBYAKOZWE N’INTUMWA EP#41:Byinshi kuri NYENYERI waherekeje INKOTANYI...

Ikiganiro IBYAKOZWE N’INTUMWA EP#41 kigaruka ku buzima bwa MBARAGA Vital...
9 September 2021 0

Perezida wa Sena y’u Rwanda n’iy’u Burundi bahuje urugwiro ubwo bahuriraga I...

Kuri uyu wa Gatatu, Perezida wa Sena y’u Rwanda,Hon Iyamuremye Augustin...
8 September 2021 0