skol
Kigali

Perezida Kagame yaraye ageze I Kingston mu murwa mukuru wa Jamaica[AMAFOTO]

Amakuru   Yanditswe na: Rebecca UFITAMAHORO 14 April 2022

Perezida wa Repubulika, Paul Kame yamaze kugera I Kingston mu murwa mukuru wa Jamaica aho yatangiye uruzinduko rw’akazi rw’iminsi Itatu .


Perezida Kagame akigera ku kibuga mpuzamahanga cy’indege cya Norman Manley, yakiriwe na Minisitiri w’Intebe Andrew Holness aherekejwe na Guverineri wa Jamaica, Sir Patrick Allen.

Minisitiri w’Intebe Andrew Holness, abinyujije kuri Twitter ye, yifurije ikaze Perezida Kagame ndetse n’intumwa ayoboye.

Umukuru w’Igihugu kandi agiriye uruzinduko muri Jamaica, nyuma y’urundi rw’iminsi itatu yagiriraga muri Repubulika ya Congo, aho yagiranye ibiganiro na mugenzi we Dennis Sassou Nguesso, bakanahagararira isinywa ry’amasezerano y’ubufatanye azibanda ku bucukuzi bw’amabuye y’agaciro, guteza imbere ubucuruzi buto n’ubuciriritse, ubukorikori, umuco n’ubuhanzi.

Umuvugizi w’ishyaka rya People’s National Party, Lisa Hanna, yavuzeko urugendo rwa Perezida Kagame muri Jamaica ari urw’agaciro gakomeye, kubera uburyo yayoboye u Rwanda akaruvana mu bihe bikomeye rwanyuzemo, bikaba ari igihamya cy’umurava we ndetse n’intumbero ku baturage ayoboye.

Umukuru w’Igihugu kandi biteganyijwe ko azagirana ibiganiro na Guverineri wa Jamaica, Sir Patrick Allen, Minisitiri w’Intebe Andrew Holness ndetse n’abandi bayobozi batandukanye. Azageza ijambo ku bagize Inteko Ishinga Amategeko y’icyo gihugu, ndetse azasura imva ishyinguyemo intwari z’igihugu, nk’uko ibinyamakuru byo muri Jamaica byabitangaje.

Perezida Kagame na Minisitiri w’Intebe wa Jamaica, bazahagararira umuhango w’isinywa ry’amasezerano y’ubufatanye hagati y’ibihugu byombi.

Ibiro bya Minisitiri w’Intebe wa Jamaica byatangaje ko uru ruzinduko ari urw’agaciro gakomeye, kuko rubaye mu gihe iki gihugu cyizihiza Yubile y’Imyaka 60 kimaze kibonye ubwigenge, nyuma yo kuva mu bukoloni bw’u Bwongereza.

Minisitiri w’Intebe Andrew Holness, yatumiye Perezida Kagame mu myaka ibiri ishize, ariko urwo ruzinduko rukomeza gutinzwa n’uko Isi yari ihanganye n’ibihe bitoroshye by’icyorezo cya Covid-19, guhera mu mwaka wa 2020.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1

Hasohotse andi makuru y’umusore wigeze kurega Bamporiki kumwambura

Hasohotse andi makuru kuri Bamporiki Edouard uherutse guhagarikwa ku...
10 May 2022 1

Perezida Kagame yavuze byinshi ku buzima bwe na Gen.Rwigema n’uburyo...

Perezida Kagame yageze ku rugamba aturutse muri Leta Zunze Ubumwe za...
10 May 2022 1

Byagendekeye bite abandi banya Politiki bahagaritswe mu buryo bumwe nk’ubwa...

Umunyamabanga wa Leta muri Minisiteri y’Urubyiruko n’Umuco, Bamporiki...
5 May 2022 0

Icyatumye Hon Bamporiki Edouard afungwa cyamaze kumenyekana

Urwego rw’Igihugu rw’Ubugenzacyaha rwemeje ko Bamporiki Edouard wari...
5 May 2022 1

Perezida Kagame yahagaritse Minisiteri Bamporiki Edouard

Itangazo ry’ibiro bya Minisiteri w’intewe w’u Rwanda risohotse nonaha,...
5 May 2022 0