Perezida wa Repubulika y’u Rwanda Paul Kagame yashyize mu kiruhuko cy’izabukuru abapolisi batandatu barimo ba Komiseri bakomeye.

Sponsored Ad

Mu itangazo rya Polisi ryo kuri uyu wa Gatatu tariki ya 27 Nzeri 2023, rivuga ko nyakubahwa Perezida wa Repubulika yashyize mu kiruhuko cy’izabukuru abapolisi barimo na ba komiseri batandukanye barimo CG Emmanuel K Gasana, uyobora Intara y’Iburasirazuba, CP Emmanuel Butera,CP Nshimiyimana Vianney,CP Bruce Munyambo,ACP Damas Gatare,ACP Privat Gakwaya.

Perezida Kagame kandi yashyize mu kiruhuko ba Ofisiye bakuru batanu, ba ofisiye bato 28 ndetse n’abapolisi basanzwe 60.

Polisi y’Igihugu itangaza ko hanasezerewe abapolisi barindwi (7) ku mpamvu z’uburwayi na batandatu (6) basezerewe ku mpamvu zindi zitandukanye zitatangajwe.