skol
Kigali
Fortebet

Perezida Nyusi yise "Intwari" ingabo z’u Rwanda zabohoje Cabo Delgado

Amakuru   Yanditswe na: Dusingizimana Remy 25 September 2021

Ku munsi w’ejo,Perezida Nyusi wa Mozambike ari kumwe na mugenzi we Paul Kagame w’u Rwanda wagiriye uruzinduko muri iki gihugu basuye aho angabo z’u Rwanda zikambitse muri Mozambique bazishimira akazi zimaze gukora.


Perezida Nyusi yavuze ko ibyo ingabo z’u Rwanda zimaze gukora mu ntara ya Cabo Delgado yabohojwe ikuwe mu maboko y’ibyihebe byari byarayoretse ari ntagereranwa ndetse ari nayo mpamvu abaturage b’iyo ntara bazubaha.

Perezida Nyusi yagize ati “Ndabashimira kuba mwaraduhaye abasirikare baje gufatanya n’abandi kurinda igihugu cyacu. Ni intwari nyazo. Abenegihugu bacu bishimira iteka umurimo aba basirikare bakoze no kubabohora ku nyeshyamba zari zarafashe Cabo Delgado.

Ndabashimira ubufatanye n’abasirikare bacu. Abasirikare b’u Rwanda bagaragaje ko bubaha cyane abaturage bacu. Barakundwa kandi barubahwa. Abasirikare bacu babafitiye umwenda iteka kandi turifuza ko tuzakomeza kubaka ubuzima bw’abaturage bacu bukaba bwiza."

Perezida Kagame we yavuze ko ibyo ingabo z’u Rwanda zimaze kugeraho muri iriya ntara ari intangiriro,ubu akazi gakomeje kugeza igihe abaturage ba Mozambike bazababwira ko manda irangiye.

Ati“Imirimo imaze gukorwa kugeza ubu ntishobora guhagararira hano. Ubu dufite ikindi gikorwa aricyo gukomeza kubaka no kurinda iki gihugu. Perezida n’abaturage ba Mozambique bari ku isonga ry’ibi byose kandi bazatumenyesha igihe manda yacu igomba kurangirira. Mwakoze akazi gakomeye hamwe n’ingabo za Mozambique."

Mwatanze kandi mwihanganira, amanywa n’ijoro, izuba ryinshi n’imvura nyinshi. Inyeshyamba zizi neza ko tutazicara ngo tubareke bagaruke, babangamire ubuzima bw’abaturage muri Cabo Delgado.”

Ingabo z’u Rwanda zoherejwe mu Ntara ya Cabo Delgado mu Majyaruguru y’Uburasirazuba bwa Mozambique, mu bikorwa byo kubohoza imijyi itandukanye yari yarigaruriwe n’imitwe y’iterabwoba aho zifatanya n’ingabo za Mozambique.

Iki gihugu kiri mu Majyepfo ya Afurika cyoherejwemo Ingabo z’u Rwanda n’Abapolisi 1000 batanga umusanzu mu guhashya imitwe y’iterabwoba no kubungabunga amahoro muri Cabo Delgado.

Perezida Kagame yasuye aba basirikare n’abapolisi bari mu Kigo cya Gisirikare cy’Ingabo zirwanira mu Mazi kiri mu gace ka Pemba, aherekejwe na mugenzi we wa Mozambique, Filipe Nyusi.

Mu ntara ya Cabo Delgado, abaturage ibihumbi bari baravuye mu byabo benshi bamaze gutahuka kuko umutekano wagaruwe n’ingabo za Mozambique zifashijwe n’iz’u Rwanda.


Perezida Kagame ati "Akazi ntikarangiye"tugomba no kubaka Mozambike

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0

Umujyi wa Kigali ugiye gutangira gushyira muri VUP abazunguzayi

Umujyi wa Kigali watangaje ko ufite gahunda yo gufasha abazunguzayi kugira...
6 August 2022 1