Kuva muri weekend, n’uyu munsi kuwa mbere, Perezida William Ruto arimo kuboneka yitwaye mu kamodoka gato gakoresha amashanyarazi.

Abikora mu rugendo ruva ku biro bye rugana rwagati mu mujyi wa Nairobi mu nyubako mberabyombi izwi nka Kenya International Convetion Centre (KICC).

Agenda aherekejwe na moto ebyiri imbere ye n’imodoka nto inyuma ye, byose bikoresha amashanyarazi nk’uko ibiro bye byabitangaje.

Yabonetse bwa mbere ku cyumweru yitwaye muri aka kamodoka agiye mu nama y’urubyiruko, none kuwa mbere yongeye kugatwara agiye mu nama nyafurika ku ihindagurika ry’ikirere aho muri KICC.

Ruto yatangaje ko imodoka nk’iyi ari cyo “gisubizo kirambye ku bwikorezi bwa muntu” mu kurengera uyu mubumbe wacu.

BBC