skol
Kigali
Fortebet

Perezida Tshisekedi yasabye Boris Johnson gukoresha CHOGM mu kotsa igitutu u Rwanda

Amakuru   Yanditswe na: Dusingizimana Remy 18 June 2022

Leta ya Repubulika ya Demokarasi ya Congo irasaba Minisitiri w’intebe w’Ubwongereza Boris Johnson gukoresha inama itangira i Kigali ku wa mbere y’umuryango wa Commonwealth (CHOGM 2022) nk’uburyo bwo kotsa igitutu Perezida Paul Kagame agakura abasirikare b’u Rwanda mu burasirazuba bwa Congo.

Itangazo rigenewe abanyamakuru rya minisiteri y’itangazamakuru ya DR Congo ryo ku wa gatanu risubiramo amagambo ya Perezida Félix Tshisekedi agira ati:

"Umutekano mu burasirazuba bw’igihugu ukomeje kuba mubi, ahanini kuko u Rwanda rushaka kwigarurira ubutaka bwacu, bukize kuri zahabu, coltan na cobalt, ngo bubicukure ku bw’inyungu bwite zarwo.

"Iyi ni intambara y’ubukungu yo kurwanira umutungo, irwanwa n’ibico by’iterabwoba by’u Rwanda".

Iryo tangazo rya minisiteri y’itangazamakuru rivuga ko DR Congo ifite "uburenganzira bwo gusaba ko abaturanyi bubaha ubutaka bwacu", risubiramo amagambo ya Perezida Tshisekedi agira ati:

"Turasaba abafatanyabikorwa bacu bo mu mahanga, muri Afurika, Amerika ndetse cyane cyane Ubwongereza kwamagana iki gitero, no kotsa igitutu u Rwanda ngo rukure abasirikare barwo ku butaka bwacu".

Tshisekedi avuga ko kubera amasezerano ajyanye no kohereza mu Rwanda abasaba ubuhungiro mu Bwongereza ibyo bihugu byagiranye mu kwezi kwa kane, afite icyizere ko Minisitiri w’intebe Johnson azayakoresha "agashobora kugira ijambo" ku Rwanda.

Mu bihe byashize, Perezida Kagame yumvikanye avuga ko u Rwanda rudakorera ku gitutu cy’umuntu uwo ari we wese.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inzobere za ONU zavuze ko zifite “ibimenyetso bikomeye” bishinja u Rwanda...

Itsinda ry’inzobere za ONU rivuga ko rifite “ibimenyetso bikomeye” ko ingabo...
4 August 2022 0

Umujyi wa Kigali wahishuye aho imirimo yo kubaka ikiraro cya Nyabugogo...

Abayobozi b’Umujyi wa Kigali n’Uturere tuwugize bagiranye ikiganiro...
3 August 2022 0

"Hari ibigo bya Leta bigomba kwegurirwa abikorera vuba na bwangu"-Perezida...

Kuri uyu wa Kabiri tariki ya 02 Kanama 2022,Perezida Kagame yari mu cyumba...
2 August 2022 0

Perezida Kagame yashyizeho Abaminisitiri bashya muri MINICOM na...

Perezida wa Repubulika yashyizeho Abaminisitiri bashya, aho Dr. Jean...
30 July 2022 0

Minisitiri w’ububanyi n’amahanga wa Amerika agiye kuza i Kigali kubaza ibya...

‘Minisitiri’ w’ububanyi n’amahanga wa Amerika ugiye kugirira uruzinduko mu...
30 July 2022 2

Ibyemezo byafatiwe mu nama y’abaminisitiri yo kuwa 29 Nyakanga...

Perezida Paul Kagame, kuri uyu wa Gatanu tariki 29 Nyakanga 2022 yayoboye...
30 July 2022 0