skol
Kigali

Perezida Kagame yitabiriye iserukiramuco ryo kurandura ubukene ku Isi ryahuje ibirangirire

Amakuru   Yanditswe na: Nsanzimana Ernest 2 December 2018

Perezida w’ u Rwanda akaba n’ Umuyobozi wa Afurika yunze Ubumwe Paul Kagame kuri iki Cyumweru tari 2 Ukuboza 2018 yitabiriye iserukiramuco rya Global Citizen Festival, ryahuriranye no kwizihiza isabukuru y’imyaka 100 ya Nelson Mandela ndetse no guha icyubahiro umurage we, by’umwihariko uko yagiye ahamagarira abantu kurwanya ubukene bukabije.


Iri serukiramuco riri i Johannesburg muri Afurika y’Epfo ryatumiwemo abahanzi batandukanye kandi b’ ibyamamare mu Isi barimo Beyoncé, JAY-Z, Usher, Pharrell Williams & Chris Martin, Ed Sheeran, Eddie Vedder, Kacey Musgraves, Wizkid, Cassper Nyovest, D’Banj, Femi Kuti, Sho Madjozi, Tiwa Savage n’abandi baza gususurutsa abaryitabiriye.

Global Citizen Festival ni ngarukamwaka, ikangurira abayobozi b’ibihugu n’imiryango mpuzamahanga kurandura ubukene bukabije mu Isi.

Insanganyamatsiko yateguwe uyu mwaka ni uguharanira imirire myiza n’ubuzima kuri bose”.

Ritegurwa n’Umuryango ‘Global Citizen’ ufite icyicaro muri Leta Zunze Ubumwe za Amerika, uhuza abakiri bato baturutse hirya no hino ku Isi kugira ngo ugire ibyo ugeraho bijyanye na gahunda z’iterambere rirambye (SDGs).

Kuva mu 2012, ibikorwa miliyoni 14.2 by’uyu muryango byafashije mu gushyira mu bikorwa gahunda z’abayobozi hirya no hino ku Isi, bifite agaciro ka miliyari 37.9 z’amadorali ya Amerika.

Ibikorwa by’uyu muryango byitezweho gufasha mu guteza imbere abantu bangana na miliyari 2,25 hirya no hino ku Isi.

Abahanzi batandukanye bakomeye ku Isi bifashishwa muri uru rugamba rwo kurwanya inzara n’ubukene hirya no hino ku Isi babinyujije mu bihangano byabo.

Kuri Stade ya FNB yakira abantu barenga ibihumbi 95 hateganyijwe igitaramo kiza gutangirwamo ubutumwa bwo kurwanya inzara.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ndagira ngo mbabwire ko bazaza vuba"-Minisitiri w’Intebe avuga ku bimukira...

Minisitiri w’Intebe,Dr Ngirente Edouard yatangaje ko vuba ahaabimukira...
19 May 2022 0

Minisitiri w’intebe yavuze kuri Dosiye ya Bamporiki n’icyo Leta yiteguye...

Mu kiganiro n’itangazamakuru ku buzima bw’igihugu, Minisitiri w’Intebe yavuze...
18 May 2022 0

"Uganda ntikiri indiri iboneye ku batoroka Leta y’u Rwanda": Mugabe...

Umubano w’u Rwanda na Uganda ukomeje gutera intambwe uzahuka umunsi ku wundi...
18 May 2022 0

Mgr Papias Musengamana yaramburiweho ibiganza mu umuhango wo kumuha...

Kuri uyu wa Gatandatu kuri Stade ya Gicumbi muri Diyosezi ya Byumba,...
14 May 2022 0

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1

Hasohotse andi makuru y’umusore wigeze kurega Bamporiki kumwambura

Hasohotse andi makuru kuri Bamporiki Edouard uherutse guhagarikwa ku...
10 May 2022 1