Amafaranga yakoreshejwe mu buryo budakurikije amategeko mu bigo bya leta yarazamutse ava kuri miliyari 3.2 z’amanyarwanda mu mwaka ushize, agera kuri miliyari 6.45 muri uyu mwaka.

Sponsored Ad

Amafaranga yakoreshejwe mu buryo budakurikije amategeko mu bigo bya leta yarazamutse ava kuri miliyari 3.2 z’amanyarwanda mu mwaka ushize, agera kuri miliyari 6.45 muri uyu mwaka.

Ni ukuvuga ko amafaranga yasesaguwe cyangwa yakoreshejwe nabi yikubye kabiri ukurikije imibare yashyizwe ahagarara na bwana Kamuhire Alexis, umugenzuzi mukuru w’imari ya leta.

Ibi bikubiye muri raporo nshya yamurikiwe abashingamategeko imitwe yombi, mu masaha y’igicamunsi cyo kuri uyu wa kabiri tariki ya 2 Gicurasi 2023.

Ni raporo igaragaza ubugenzuzi bwakorewe mu bigo bya leta bigera kuri 221, mu gihe mu mwaka ushize bwari bwakorewe mu bigo 210.

Ni ukuvuga ko ugereranyije n’umwaka ushize, umugenzuzi mukuru w’imari ya leta yongeyeho ibigo 10 mubyo yakoreyemo ubugenzuzi.

Ni ubugenzuzi ku mikoreshereze y’imari n’ubw’iyubahirizwa ry’amategeko.

Uyu mwaka igipimo cy’amafaranga yakoreshejwe na Leta yagenzuwe cyarazamutse, kiva kuri 91.1% kigera kuri 95% muri uyu mwaka.

Mu mwaka w’ingengo y’imari warangiye kuwa 30 z’ukwezi kwa 6 mu 2022, amafaranga yose leta yakoresheje ni Miliyari 4,604, muri aya urwego rw’ubugenzuzi bukuru bw’imari ya leta (OAG) rwakoreye igenzura imikoreshereze y’amafaranga miliyari 4,368.