Komisiyo y’Igihugu y’amatora [NEC],yasubitse amatora yo kuzuza Inama Njyanama na Komite Nyobozi y’Akarere ka Rubavu yari ateganyijwe hagati muri uku kwezi kwa Kanama 2023.
Itangazo iyi komisiyo yashyize hanze kuri uyu wa 1 Kanama 2023,rivuga ko aya matora atakibaye kuwa 11 Kanama 2023 nkuko byari biteganyijwe.
Aya matora yari agamije gushyiraho Meya mushya wa Rubavu usimbura Kambogo Ildephonse wegujwe azize kunanirwa gukemura ibibazo byatewe n’ibiza.
Ibikorwa byo gutegura aya matora (...)
Komisiyo y’Igihugu y’amatora [NEC],yasubitse amatora yo kuzuza Inama Njyanama na Komite Nyobozi y’Akarere ka Rubavu yari ateganyijwe hagati muri uku kwezi kwa Kanama 2023.
Itangazo iyi komisiyo yashyize hanze kuri uyu wa 1 Kanama 2023,rivuga ko aya matora atakibaye kuwa 11 Kanama 2023 nkuko byari biteganyijwe.
Aya matora yari agamije gushyiraho Meya mushya wa Rubavu usimbura Kambogo Ildephonse wegujwe azize kunanirwa gukemura ibibazo byatewe n’ibiza.
Ibikorwa byo gutegura aya matora bisubitswe nyuma y’uko kuwa 31 Nyakanga 2023 Minisitiri w’Ubutegetsi bw’Igihugu, Musabyimana Jean Claude, asabye iyi komisiyo kubisubika kugira ngo hitabwe ku guhangana n’ingaruka z’ibiza byibasiye ako karere muri Gicurasi 2023.
Ibi kandi bijyanye nuko hari utundi turere tugomba guhabwa abayobozi basimbura abeguye mu minsi ishize bityo hagomba gutegurwa uko byakorerwa rimwe.
Abayobozi begujwe barimo Njyanama ya Rutsiro ,Umuyobozi w’akarere ka Rwamagana wungirije ushinzwe iterambere ry’ubukungu,Jeanne d’Arc Nyirabihogo ndetse na Visi meya wa Musanze,Andrew Mpuhwe Rucyahana weguye kubera kwitabira umuhango w’Abakono.
Nzabonimpa Déogratias ni we muyobozi w’Akarere ka Rubavu w’agateganyo guhera tariki 5 Gicurasi 2023.
Leave a Reply
Your email address will not be published. Required fields are marked *