skol
Kigali
Fortebet

U Rwanda rwasubije ibinyamakuru byo mu Bwongereza byemeje ko Busingye yakuwe muri Minijust na Dosiye ya Rusesabagina

Amakuru   Yanditswe na: Dusingizimana Remy 13 December 2021

Umuvugizi wa Guverinoma y’u Rwanda, Yolande Makolo yanenze ibitangazamakuru bibiri byo mu Bwongereza byatangaje ko Busingye Johnstone yakuwe ku mwanya wa Minisitiri w’Ubutabera kubera Dosiye ya Rusesabagina.

Madamu Makolo yavuze ko Daily Mail na The Times biri kuyobya rubanda kuko Busingye yakoze akazi ke neza mbere y’uko agirwa Ambasaderi w’Ubwongereza.

Mu butumwa yacishije kuri Twitter, Umuvugizi wa Guverinoma y’u Rwanda, Yolande Makolo yanenze ibinyamakuru bihuza Busingye na dosiye ya Rusesabagina.

Yagize ati, “Daily Mail na The Times birayobya rubanda mu gihe byoroshye kugenzura bikamemya ukuri.”

Reka mbibutse:Johnston Busingye wagenwe nka Ambasaderi w’u Rwanda mu Bwongereza yitwaye neza mu kazi ubwo yari Minisitiri w’Ubutabera n’Intumwa Nkuru ya Leta kuva muri 2013.”

Daily Mail yatangaje ko Busingye yakuwe ku mwanya wa Minisitiri w’Ubutabera kuko yemeye ko u Rwanda ari rwo rwishyuye indege yazanye Rusesabagina i Kigali.

Kuba yari Minisitiri w’Ubutabera akagirwa Ambasaderi, Daily Mail yabyise ‘demotion’ cyangwa se gukurwa ku mwanya wo hejuru ugashyirwa ku wo hasi nyuma yo kugawa.

Daily Mail ikomeza ivuga ko Rusesabagina ari real-life hero (intwari nyakuri) yarokoye Abatutsi muri Jenoside, mu gihe hari ubuhamya bw’abavuga ko ibyo atari impamo.

Rusesabagina wavuye i Dubai agiye i Bujumbura, yatunguwe no kwisanga i Kigali, aho yazanwe atabizi n’umupasitoro witwa Niyomwungere Constantin yafataga nk’inshuti ye.

Kuwa 20 Nzeri 2021 yahamijwe ibyaha by’iterabwoba, akatirwa gufungwa imyaka 25, ibintu ibihugu bitandukanye n’imiryango mpuzamahanga byamaganye bisaba ko arekurwa.

Mu bihugu byasohoye amatangazo asaba irekurwa rya Rusesabagina, harimo Leta zunze Ubumwe z’Amerika n’u Bubiligi byavuze ko urubanza rwe nta mucyo warugaragayemo.

Abadepite b’u Bwongereza, baheruka gusaba Leta yabo kutemerera Busingye kuba ambasaderi muri iki gihugu kubera guhonyora demokarasi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwabwije ukuri Amerika ku kibazo cya Paul Rusesabagina

Minisitiri w’Ububanyi n’amahanga n’ubutwererane w’u Rwanda, Dr Vincent hamwe...
11 August 2022 0

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0