skol
Kigali

Umubonano w’intumwa z’u Burundi na Perezida Kagame usobanuye iki?

Amakuru   Yanditswe na: Dusingizimana Remy 12 January 2022

Umuvugizi wungirije wa Leta y’u Rwanda,Alain Mukuralinda yatangaje ko u Rwanda rwishimiye uruzinduko rw’intumwa z’u Burundi mu Rwanda ndetse hari kuganirwa ku kuzahura umubano w’ibihugu byombi kandi amaherezo ibibazo bihari bizashyira bigakemuka.

Mu kiganiro Bwana Mukuralinda yagiranye na BBC,yavuze ko u Rwanda rwishimiye kwakira Minisitiri ushinzwe Umuryango wa Afurika y’Iburasirazuba, Urubyiruko, Umuco, na Siporo mu Burundi, Amb. Ezéchiel Nibigira na bagenzi be bari boherejwe na Perezida w’u Burundi,Ndayishimiye Evariste.

Umukuru w’Igihugu,Paul Kagame yakiriye muri Village Urugwiro Minisitiri Amb. Ezéchiel Nibigira n’itsinda yari ayoboye kuwa Mbere, tariki ya 10 Mutarama 2022.

Abajijwe icyo ubutumwa bw’u Burundi busobanuye kuri leta y’u Rwanda,Mukuralinda yagize ati "Bivuze ko icyo abanyarwanda n’Abarundi babaniye kuva kera kiremereye kurusha ikibazo cyose cyaza.Kuba haba harabayeho kuvuga nabi cyangwa gucikwa ntibibuza ko iyo igihe kigeze abantu baganira bakavugana.

Mukuralinda yavuze ko u Rwanda rwakiriye neza uruzinduko rwa ziriya ntumwa z’u Burundi aho yavuze ko niyo haba harabaye akabazo cyangwa agatotsi nta zibana zidakomanya amahembe ahubwo icy’ingenzi ari uko imiyoboro yose ifunguye abantu bashobora kuganira bagakemura ikibazo.

Abajijwe icyo abayobozi baganiriye,Mukuralinda yagize ati "Hari igihe aba atari ngombwa ko bivugwa hanze ibyo baganiriye ariko muri rusange ni k’umubano w’u Rwanda n’u Burundi n’ukuntu wakomeza gushimangirwa."

Ku kuba hafungurwa imipaka vuba,yagize ati " Njyewe navuga ko biri mu rugendo kandi ntekereza ko nubwo muvuga ngo imipaka irafunze ntabwo bibuza abantu kwambuka.Rimwe na rimwe tubona n’abayobozi baganiriye,bamwe bambutse bajya hakurya abandi baza hakuno.

Nubwo abantu bavuga ngo umupaka urafunze ntabwo ari ukuvuga ngo uradanangiye hari abasirikare n’abapolisi babuza abantu kwambuka.Ntabwo ari uko bimeze

U Burundi bushinja u Rwanda ko rucumbikiye abashatse guhirika ubutegetsi muri 2015 hanyuma u Rwanda rugashinja u Burundi kuba bucumbikiye abashaka kuruhungabanyiriza umutekano.

Mukuralinda yabwiye BBC ko ibyo bibazo biri kuganirwaho.Ati "Ibyo bibazo icy’ingenzi nuko biganirwaho.Ntabwo ari ibanga bamwe barabivuze abandi bavuga icyo bumva banenga cyangwa se basaba abandi ko bahindura.Ngira ngo rero ubwo ibintu binazwi biri ku karubanda biganirwaho wenda hari n’ibindi tutanazi biganirwaho kuko si ngombwa ko ibintu byose bijya hanze,icy’ingenzi nuko uburyo buhari bwo kubivuganaho kandi ntekereza ko bizashira bigakemuka.

Kuva muri 2015,Umubano w’u Rwanda wajemo agatotsi biturutse ku kugerageza guhirika ubutegetsi kwabaye icyo gihe u Burundi bugashinja u Rwanda guha icumbi ababigerageje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Isaha yo kugera mu rugo yashyizwe saa sita z’ijoro,amakoraniro n’abafana ku...

Inama y’Abaminisitiri yateranye uyu munsi tariki ya 28 Mutarama 2022,yemeje...
27 January 2022 1

Perezida Kagame yasabye abacamanza kwigira ku mateka bakarwanya...

Kuri uyu wa 25 Mutarama 2022,Perezida Paul Kagame yavuze ko ubutabera ari...
25 January 2022 2

"50-60 ku ijana by’inzira itujyana aheza yarabonetse "-Mukuralinda ku kibazo...

Umuvugizi Wungirije wa Guverinoma y’u Rwanda, Mukuralinda Alain, yatangaje...
24 January 2022 0

Hon.Bamporiki yasubije abavuga ko Urugamba rwo kubohora u Rwanda atari...

Umunyamabanga wa Leta muri Minisiteri y’Umuco,Hon.Bamporiki Edouard...
23 January 2022 0

Urugendo rwa Gen. Muhoozi Kainerugaba I Kigali rwashimwe

Nk’uko byatangajwe n’Ibiro by’Umukuru w’Igihugu,Village Urugwiro, Perezida...
22 January 2022 0

Perezida Kagame yakiriye Lt Gen. Muhoozi Kainerugaba umuhungu wa Perezida...

Perezida Kagame yakiriye muri Village Urugwiro Lt.Gen. Muhoozi Kainerugaba,...
22 January 2022 0