skol
Kigali
Fortebet

Bisate Lodge iyoboye izindi Hoteli muri Afurika mu kugira ubwiza buhebuje [URUTONDE]

Amakuru   Yanditswe na: Dusingizimana Remy 14 July 2022

Ubushakashatsi bwakozwe na Travel + Leisure bwemeje ko abafana bayo batoye ko Bisate Lodge iri ku mwanya wa mbere mu icumi nziza muri Afurika.

Iyi hoteli [lodge] yubatswe mu buryo butangiza ibidukikije iri mu Rwanda mu Kinigi, yabaye iya mbere itsinze izo muri Kenya na Tanzania.

Ku basomyi ba Travel + Leisure, amacumbi meza ya safari muri Afrika ntabwo byanze bikunze arangwa n’ibintu gakondo gusa - nubwo benshi muribo batoye izimeze gutyo.

Iki kinyamakuru gikora ubushakashatsi ngarukamwaka kibaza abasomyi bacyo bakunda gutembera kubabwira hoteli nziza cyane,amacumbi yihariye,imijyi,ibirwa n’ubwato bwiza cyane babonye.

Uyu mwaka urutonde rwiakozwe ku mahoteli meza atagendera ku bintu gakomdo aho Bisate Lodge yaje ku mwanya wa mbere.Usibye Bisate ku isonga, hari indi hoteli yo mu Rwanda, One&Only Nyungwe House (No. 3)ikurura abantu kubera ukuntu ituranye n’inyamaswa nka Chimpanze,inyoni, n’igihingwa cy’icyayi. "

Bisate Lodge yubatswe n’Ikigo Wilderness Safari mu nkengero za Pariki y’Igihugu y’Ibirunga. Yubatse mu ishusho imeze nk’inzu za kera mu Rwanda, iho ikikijwe n’ibyatsi mu mpande zose.

Isurwa cyane n’abari mu rugendo rwo gusura ingagi kuko aho iri ari hafi y’aho ziboneka. Abayigenderera baba bafite n’amahirwe yo kuryoherwa n’ubwiza bw’u Rwanda burira imisozi, bareba inkende n’ibindi bitandukanye.

Usibye ubwiza bwayo, kugira ngo ishyirwe ku mwanya wa mbere ni uko yashimwe kubera uburyo abakozi bayo bakira neza abakiliya, serivisi zayo, amafunguro meza n’ibindi.

Bisate Eco Lodge yatashywe tariki ya 1 Nzeri 2017. Yubatse muri Pariki y’Ibirunga aho uba witegeye neza udusongero tw’ibirunga bya Bisoke, Kalisimbi na Mikeno.

Impumeko yayo yavuye ku miterere y’Ingoro y’Umwami iherereye i Nyanza mu Ntara y’Amajyepfo.

Ifite ibyumba bitandatu biteretse mu ishyamba hagati, bisakaje ibyatsi hejuru, ndetse byihagazeho kuko kuharara ijoro rimwe wishyura amadolari ya Amerika ari hagati ya 1100–1400.

Reba Urutonde rwa Hoteli 10[Top 10 Best Safari Lodges in Africa:

1.Bisate Lodge, Volcanoes National Park, Rwanda
2.Gibb’s Farm, Karatu, Tanzania
3. One&Only Nyungwe House, Nyungwe Forest National Park, Rwanda
4.Ngorongoro Crater Lodge, Ngorongoro Conservation Area, Tanzania
5. Angama Mara, Masai Mara National Reserve, Kenya
6.Bateleur Camp, Masai Mara National Reserve, Kenya
7.Serengeti, Serengeti National Park, Tanzania
8.Ngala Safari Lodge, Kruger National Park Area, South Africa
9. Lion Sands Game Reserve, Sabi Sand Game Reserve, South Africa
10. Bwindi Lodge, Bwindi Impenetrable Forest, Uganda

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Pascal Ndagijimana

    Kuraramo gusa 1400000 eh!!!!Ni batari.

    1 month ago

Inzindi nkuru

Ibiciro bya lisansi na Mazutu byongeye kuzamuka mu Rwanda

Guverinoma y’u Rwanda yatangaje ibiciro bishya by’Ibikomoka kuri peteroli,...
7 August 2022 1

RURA yongeye guhamagarira abafite imodoka kuzizana gutwara abagenzi I...

RURA yasabye abafite imodoka zagenewe gutwara abantu mu buryo bwa rusange...
3 August 2022 1

Akarere ka Gakenke kahize utundi mu kwesa umuhigo wa Ejo Heza muri...

Akarere ka Gakenke niko kahize utundi twose mu Rwanda mu kwesa umuhigo wa...
2 August 2022 0

Kigali:Hakenewe imodoka 500 ngo ikibazo cyo gutwara abagenzi...

Umujyi wa Kigali watangaje ko hakenewe bisi zirenga 500 mu gufasha gukemura...
1 August 2022 0

Afurika ikeneye uruhare rw’umugore ngo yizere kugera ku iterambere. Kubera...

Umuryango wa Pan Africa Movement Rwanda-Chapter ku bufatanye na Minisiteri...
29 July 2022 0

Bisate Lodge iyoboye izindi Hoteli muri Afurika mu kugira ubwiza buhebuje...

Ubushakashatsi bwakozwe na Travel + Leisure bwemeje ko abafana bayo batoye...
14 July 2022 1