skol
Kigali

Muhanga: Ikiraro kimaze iminsi 7 yonyine gitashywe cyaraye gisenyutse

Amakuru   Yanditswe na: Rebecca UFITAMAHORO 20 April 2022

Imvura yaraye iguye mu ijoro ryo kuri uyu wa Kabiri tariki ya 19 Mata 2022 ,yasenye ikiraro gihuza uturere twa Muhanga na Gakenke cyari giherutse gutahwa ku mugaragaro.


Icyo kiraro cyari gifite metero 60 z’uburebure cy’abanyamaguru cyahuzaga umurenge wa Rongi mu Karere ka Muhanga n’uwa Ruli muri Gakenke.

Umuyobozi w’Intara y’Amajyepfo, Kayitesi Alice, yabwiye IGIHE dukesha iyi nkuru ko cyasenyutse bitewe n’imvura yabaye nyinshi cyane.

Ati “Ikiraro cyacitse mu masaha ya nijoro, abatekinisiye batubwira ko byatewe n’imvura yabaye nyinshi cyane ikuzuza umugezi wa Nyabarongo. Ikiraro rero cyacitse cyegamye ku ruhande rwa Muhanga mu Murenge wa Rongi.”

Yakomeje avuga ko kugeza ubu ishami ry’ingabo z’u Rwanda zirwanira mu mazi zahageze gufasha abaturage kwambuka hakoreshejwe ubwato kugira ngo ubuhahirane hagati y’uturere twombi budahagarara burundu.

Ikindi ngo ni uko itsinda ry’abatekinisiye ndetse na Engineering Brigade yari yacyubatse hamwe n’abakozi b’Ikigo cy’igihugu gishinzwe ubwikorezi no kwita ku mihanda, RTDA, bahageze kugira ngo bafatanye gushaka igisubizo ku kibazo cyabayeho.

Kucyubaka byatwaye amafaranga asaga miliyoni 185Frw. Uturere twa Muhanga na Gakenke twatangaga amavuta ya moteri kugira ngo abaturage bambukire ubuntu mu bwato.

Gusa ntabwo bagendaga bisanzuye kuko hambutswaga bake bake bitewe n’ubushobozi bw’ubwato.

Kuba cyabaye nyabagendwa byasubukuye ubuhahirane bwari bwaradindiye hagati y’uturere twombi.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Chia Seeds, igihingwa cyaturutse Amerika y’Amajyepfo cyerera amezi atatu...

Gahunda y’ibikorwa byo guteza imbere ubuhinzi n’ubworozi mu Rwanda ya...
18 May 2022 0

Hatangajwe akayabo kagiye gushyirwa mu Ikigega Nzahurabukungu mu cyiciro...

Kuri uyu wa Gatatu, Minisitiri w’Intebe Dr. Ngirente Edouard yatangije ku...
18 May 2022 0

Leta y’u Rwanda yijeje gushakira igisubizo izamuka rihanitse ry’ibiciro

Minisitiri w’Intebe Dr Edouard Ngirente yavuze ko Guverioma yiteguye gufata...
18 May 2022 0

Ukwezi kwagaragaye mu buryo budasanzwe, byitwa ubwirakabiri

Byatangiye kuboneka saa 05:29 ku isaha y’i Butansinda bwa Kigoma ya Ruhango...
16 May 2022 0

BNR yaburiye Abanyarwanda ko ibiciro bizakomeza kuzamuka

Banki nkuru y’igihugu iratangaza ko itumbagira ry’ibiciro rikomeje kugaragara...
12 May 2022 0

MININFRA yatangaje ko imihanda yose irikubakwa izuzura mbere ya...

Imihanda irimo uwa Sonatubes-Gahanga, irimo kubakwa mu buryo bwa huti huti,...
11 May 2022 0