Bamwe mu bagore bo mu Karere ka Musanze, ubwo batoraga Abadepite mu cyiciro cy’abagore, bavuze ko bajya babazwa ni uko baheruka batora bagenzi babo b’abagore nk’abadepite ngo bamara kugera mu nteko bakabibagirwa, bakaba basaba abo batoye kuri iyi manda kutazishimira kwicara mu Nteko Ishinga Amategeko ngo bibagirwe ababatumye. Ibi babivuze ubwo abagize Komite Nyobozi z’Inama y’Igihugu y’Abagore kuva ku rwego rw’Umudugudu kugera ku rwego rw’Igihugu, abagize Inama Njyanama z’Imirenge igize ifasi (...)

Sponsored Ad

Bamwe mu bagore bo mu Karere ka Musanze, ubwo batoraga Abadepite mu cyiciro cy’abagore, bavuze ko bajya babazwa ni uko baheruka batora bagenzi babo b’abagore nk’abadepite ngo bamara kugera mu nteko bakabibagirwa, bakaba basaba abo batoye kuri iyi manda kutazishimira kwicara mu Nteko Ishinga Amategeko ngo bibagirwe ababatumye.

Ibi babivuze ubwo abagize Komite Nyobozi z’Inama y’Igihugu y’Abagore kuva ku rwego rw’Umudugudu kugera ku rwego rw’Igihugu, abagize Inama Njyanama z’Imirenge igize ifasi itora n’abagize Inama Njyanama z’Uturere tugize Intara bazindukiye mu matora y’Abadepite 24 b’abagore, babiri bahagarariye urubyiruko n’umudepite umwe uhagarariye abantu bafite ubumuga.

Yagize ati: “Hari ubwo duheruka baza kudusaba amajwi bamara kugera mu Nteko Ishinga Amategeko bakiyumvira urunyenga rwa ziriya ntebe ziba zikaraga, bagahembwa nyuma y’ukwezi kuko agashahara gatubutse kabageraho bakibagirwa ko umugore wo mu cyaro yabatumye gukora ubuvugizi, aba rero turabasaba kumva ko twabatoye ntwizeye ko bazakemura ibibazo byacu babigeza aho bikwiye.”

Cyurinyana Jacqueline yungamo ko ngo iyo baje kubasaba amajwi baba bafite imigabo n’imigambi myiza ariko ngo hari ubwo manda irangira iyo migambi yabo itaragerwaho no ku gipimo cya 60%.

Yagize ati: “Baba bafite imigambi myiza ariko hari ubwo itagerwaho n’iyo itagezweho ntibaza ngo batubwire aho byapfiriye, twifuza ko bajya bagaruka tukaganira mu midugudu yacu mbese tugakomeza kuba umwe muri gahunda za Leta aho, kugenda ngo bibere Kigali gusa kandi tuba twarabatumye.”

Umwe mu biyamamarizaga kujya mu Nteko Ishinga amategeko Mukadaliyo Providence avuga ko umugambi we aramutse atowe icyo yajyana mu Nteko Ishinga Amategeko ari ukugeza ubutumwa bw’abaturage aho bikwiye bikabonerwa ibisubizo.

yagize ati: “Ubu ndamutse ngize amahirwe yo kujya mu Nteko Ishinga Amategeko nakora uko nshoboye kose ngasohoza ubutumwa, cyane nk’uko wumvise babivuga nkita cyane ku makimbirane aba mu ngo zimwe na zimwe, kandi ngakomeza guharanira iterambere ry’umugore, naho kumva urunyenga rwo mu ntebe zo mu Nteko Ishinga Amategeko ntabwo ari byo, n’uwakora ibyo namunenga.”

Nyiranzirorera Claudine utuye mu Mudugudu wa Gakoro, Akagari ka Birira nawe yagize ati: “Twifuza ko nitumara kubatora bazagaruka iwacu mu Midugudu tukicarana nabo bakareba ko amategeko batoye ashyirwa mu bikorwa.”

Komisiyo y’Igihugu y’Amatora, ku wa Kane 18 Nyakanga 2024 yatangaje amajwi y’agateganyo ku Badepite bahagarariye ibyiciro byihariye, yavuye mu matora ya Perezida wa Repubulika n’ay’Abadepite yabaye kuva ku itariki ya 14-16 Nyakanga 2024.