Urwego rw’Amashuri ya Polytechnique rwananiwe gusobanurira Abadepite bagize Komisiyo Ishinzwe Gukurikirana Imikoreshereze y’Imari n’Umutungo by’Igihugu (PAC), ukuntu rwaguze ameza 60, imwe ruyigura kuri Miliyoni imwe na maganabiri ( 1,200,000 Frw).
Komisiyo ya PAC yagaragaje ameza asanzwe yaguzwe 1,234,638 Frw, Umugenzuzi Mukuru w’imari ya Leta yasanze muri TVET Cyanika.
Indi foto ni inkuta zashyizweho amashanyarazi ku mafaranga 885,00Frw.
Muri iyo raporo bavuze ko asaga miliyoni 74 (…)

Urwego rw’Amashuri ya Polytechnique rwananiwe gusobanurira Abadepite bagize Komisiyo Ishinzwe Gukurikirana Imikoreshereze y’Imari n’Umutungo by’Igihugu (PAC), ukuntu rwaguze ameza 60, imwe ruyigura kuri Miliyoni imwe na maganabiri ( 1,200,000 Frw).

Komisiyo ya PAC yagaragaje ameza asanzwe yaguzwe 1,234,638 Frw, Umugenzuzi Mukuru w’imari ya Leta yasanze muri TVET Cyanika.

Indi foto ni inkuta zashyizweho amashanyarazi ku mafaranga 885,00Frw.

Muri iyo raporo bavuze ko asaga miliyoni 74 yaguzwe ayo meza na miliyoni zikabakaba 40 FRW zakoreshejwe mu gushyira amashanyarazi ku nkuta.

Abagize PAC bahaye abo muri Rwanda Polytechnic umwanya wo kujya kubitekerezaho neza ariko birangiye n’ubundi bagarutse ntibabasha kubibasobanurira ibaha amezi abiri yo kuzagaruka kubisobanura.

Abadepite basabye abayobozi ba RP kujya gukora igenzura, basanga koko ariya meza yaraguzwe ariya mafaranga, bakicara hamwe bakiga uburyo bagomba kugarurira Leta amafaranga yatikiriyemo.

Bababwiye ko mu gihe basanga koko ariya mafaranga yarasohotse ku meza nk’ariya, ko bagomba guterateranya bakagarurira Leta amafaranga yaba yarakoreshejwe nabi muri ubu buguzi kandi bakazerekana inyemzabwishyu bishyuriyeho.

Izi ntumwa za rubanda zavuze ko kandi ibi bigomba gukorwa bitarenze tariki 23 z’uku kwezi kwa Nzeri, banasabye ko Urwego rw’Igihugu rw’Ubugenzacyaha (RIB) ruhita rutangira gukora iperereza muri iki kibazo.

Icyo benshi bahurizaho nuko iyi komisiyo iba yakoze akazi gakomeye ariko nyuma yo gukurikirana ibigo nta gikorwa ngo umutungo wanyerejwe ugaruzwe.

PAC imaze iminsi itumiza ibigo bya leta bitandukanye ndetse hari ibyagiye bigaragaramo gukoresha nabi umutungo wa leta hakaburirwa irengero amamiliyari.