skol
Kigali

RDB yashyiriyeho amabwiriza mashya yo kwirinda Covid-19 amahoteli na Restora

Amakuru   Yanditswe na: Dusingizimana Remy 2 August 2021

Urwego Rushinzwe Iterambere mu Rwanda (RDB) rwatangaje amabwiriza avuguruye yo kwirinda COVID-19 mu bigo by’ubukerarugendo n’amahoteli.

Guhera ku Cyumweru taliki ya 1 kugeza ku cyumweru tariki ya 15 Kanama 2021, abakiliya bagana resitora na café zose, zaba izihariye cyangwa izo muri hoteli bazajya bahabwa gusa ibyo batahana.

Abakiliya bacumbitse cyangwa basanzwe baba muri hoteli, kimwe n’abahari bitabiriye inama bashobora guhabwa amafunguro muri resitora ya hoteli hubahirizwa amabwiriza yo kwirinda COVID-19.

Hoteli cyangwa ahandi hantu hagenewe kwakira amateraniro bashobora kwakira abantu mu nama cyangwa andi materaniro ariko ntibarenze 30% by’ubushobozi bwaho bwo kwakira abantu. Abaje mu nama bagomba kugaragaza icyemezo cy’uko ko bipimishije COVID-19 mu gihe kitarenze iminsi 7 ishize kandi batayirwaye;

Hoteli, resitora, cafés ndetse n’ahandi bacumbikira abantu bagomba gupimisha abakozi babo COVID19 buri minsi 14. Abakiliya bateganya gucumbika muri hoteli cyangwa ahandi habugenewe bagomba na bo bagomba kwerekana icyemezo cy’uko bipimishije COVID-19 mu gihe kitarenze iminsi 7 ishize kandi batayirwaye.

Pisine, inzu zikorerwamo imyitozo ngororamubiri (gyms) na spa biri muri hoteli cyangwa ahandi bizakomeza gufunga. Icyakora abakiliya bacumbitse muri hoteli cyangwa andi macumbi bashobora gukoresha ibyaho hubahirizwa amabwiriza yo kwirinda COVID-19.

Abakerarugendo, baba ab’imbere mu gihugu cyangwa abaturuka hanze y’iguhugu bahawe ikaze mu bikorwa by’ubukerarugendo aho biri mu gihugu hose, bakaba bashishikarizwa ariko kutarenza amasaha yemewe yo guhagarika ingendo.

Aho bizaba bigaragara ko bidakunda cyane cyane ku basura za Pariki z’Igihugu bazoroherezwa mu kubona impushya z’urugendo kugirango uruzinduko rwabo rubanogere, hanubahirizwa amabwiriza ariho yo kwirinda icyorezo cya COVID-19.

RDB iributsa abantu bose ko bagomba kubahiriza amabwiriza y’isuku no kwirinda yatanzwe na Minisiteri y’Ubuzima hagamijwe kurwanya ikwirakwira ry’icyorezo cya COVID-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ubufatanye bwacu na Arsenal bwatwinjirije amafaranga menshi aruta ayo...

Kuri uyu wa Gatatu, tariki ya 29 Nzeri 2021, mu kiganiro cyakurikiye...
29 September 2021 0

Rwandair yatangiye ingendo zerekeza i Lubumbashi muri RDC

Ku nshuro ya mbere,RwandAir, iratangira ingendo zijya i Lubumbashi muri...
29 September 2021 0

Neymar Jr na Mbappe mu bakinnyi benshi bise abana b’ingagi amazina

Uyu munsi nibwo u Rwanda rwakoze umuhango wo kwita izina abana b’ingagi 24...
25 September 2021 0

MINICOM yashyize hanze amabwiriza 12 agomba kugenda ifungurwa...

Minisiteri y’Ubucuruzi n’Inganda (MINICOM) ku bufatanye n’Urwego rw’Igihugu...
23 September 2021 0

Perezida Kagame yavuze uko yasohokaga mu modoka agakura mu muhanda imyanda...

Kuri uyu wa Mbere,Perezida Kagame yagiranye ikiganiro n’Umuyobozi Mukuru wa...
20 September 2021 0

Ni gute ubukungu bw’u Rwanda bwazamutse kuri 20% kandi ibiciro...

Ikigo cy’igihugu cy’ibarurishamibare cyatangaje ko umusaruro mbumbe w’u...
16 September 2021 0