skol
Kigali

IFOTO Y’UMUNSI: Nyuma yo kurangiza ibizamini abanyeshuri biciriyeho imyenda y’ishuri

Amakuru   Yanditswe na: Dusingizimana Remy 30 July 2021

Ku mbugankoranyambaga by’umwihariko Twitter,hakomeje gucaracara amafoto y’abanyeshuri barangije ibizamini bya Leta barangije bishwanyagurizaho imyenda y’ishuri abandi batwika amakayi bigiyemo.


Muri aya mafoto yashyizwe ku mbuga nkoranyambaga yagaragaje bamwe muri abo banyeshuri bakataguye imyenda y’ishuri bambaye mu gihe hari abandi barimo gutwika amakayi bigiyemo.

Umunyamakuru Oswald Mutuyeyezu ukorera Radio& TV10, yashyize ku rubuga rwa Twitter imwe muri izo foto, ashyiraho ubutumwa busa nk’ubunenga aba banyeshuri bakoze biriya.

Yagize ati “Niba atari ikigare gusa, aba basore n’inkumi bashobora kuba bifitemo impano yo guhanga imideri (modelling) mu myambarire. Aya matalenta ntazapfire ubusa igihugu n’abayibarutse.”

Hari n’amashusho yakomeje gucicikana y’umunyeshuri w’Umukobwa ari gutwika amakayi yigiragamo avuga Ikinyarwanda [byumvikana ko ari ibyo mu Rwanda] kimwe n’abo bari kumwe.

Ubwo yatwikaga aya makayi, umwe mu bo bari kumwe, yamwogezaga amubwira ati “Ntabwo uzarata [ntuzatsindwa] twika, n’iyo umuntu aramutse arase yasubirayo akandika …”

Ibi bintu biharaye mu banyeshuri b’ubu byatumye benshi babibazaho aho uwahoze ari umunyamakuru kuri Radio Flash&TV,Vital Karangwa,we yavuze ko ibi bintu bitakarebwe ku ruhande rw’abanyeshuri gusa ahubwo harebwa n’ababyeyi babo.
Yagize ati “

Yagize ati"Maze iminsi mbona iyi foto n’amavideo icicikana ku mbugankoranyambaga. Ni kimwe na video aho abanyeshuri bari gutwika amakaye! Abantu bose nabonye bari kwifatira mu gahanga aba bana ndetse bakanabatuka! Ariko ndagira ngo turebe ibi bintu mu yindi sura!

Birababaje kubona igihe cyose umwana/umunyeshuri akoze amakosa ahita abibazwa wenyine ntitunarebe abamushinzwe n’ugerageje kureba kure akareba kuri mwarimu gusa! Kandi abambere ni ababyeyi/ bakuru be cyangwa abandi bamurera.

Uyu munsi ababyeyi ntibagishaka kugirana umwanya n’abana babo, kuva umwana akiri muto kugera akuze abona ababyeyi babyuka bagenda bakagaruka ijoro na weekend bakaba batashye ubukwe na za bridal shower, bari muri za social media amasaha yose n’ibindi! Maze ku bifite umwana akaba uw’umukozi na mwalimu hanyuma ku batifite akaba umwana wo mu mihana na mwalimu!

Ubu tuzahinga ibishyimbo dutegereze gusarura umuceli?

Ese guhita tubona uburara muri bariya bana ntibyaba bituma duhuma ntidusesengura message bitanga?

1. Umunyeshuri guca uniforme nta kindi bishatse kwerekana kitagenda muri we?
2. Guca amakaye kandi abizi ko afite barumuna be twabifata nk’uburara gusa? Murumva bihagije?

Abagerageje bagakora ibishoboka byose bikanga mwe mwihangane kuko hari ubwo byanga rwose kandi wakoze ibyawe! Ariko ikibabaje umubare munini ntukora ibyawo bihugiraho bakazakanguka bakanguwe n’ingeso z’abana zarenze ihaniro.

Iyi myitwarire igayitse y’aba banyeshuri yababaje benshi mu bakuze bayibonye gusa nta rwego rushinzwe Uburezi mu Rwanda ruragira icyo rubitangazaho.



Bamwe mu banyeshuri bubu bafite imyitwarire itangaje

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

MINEDUC yavuze igihe izatangariza amanota y’abanyeshuri baheruka kurangiza...

MINEDUC yatangaje ko ku wa Mbere tariki 15 Ugushyingo izatangaza amanota...
12 November 2021 0

Hashyizwe hanze amabwiriza agenga gusibiza abanyeshuri mu mashuri abanza...

Minisiteri y’Uburezi yatangaje ibizajya bigenderwaho mu kwimura, gusibiza no...
22 October 2021 0

MINEDUC yashyize hanze amanota y’abakoze ibizamini bya Leta,isubizaho...

Ministeri y’uburezi yatangaje amanota y’abanyeshuri bakoze ibizamini bya Leta...
4 October 2021 0

MINEDUC igiye gutangaza amanota y’abakoze ibizamini bya leta mu mashuri...

Minisiteri y’Uburezi (Mineduc), yatangaje ko igiye gushyira ahagaragara...
1 October 2021 0

MIFOTRA yabaye ihagaritse gutanga akazi mu bigo bya Leta kugira ngo ishake...

Minisiteri y’Abakozi ba Leta n’Umurimo (MIFOTRA) yabaye isubitse gahunda yo...
19 September 2021 1

REB yananiwe gusobanura uko yishyuye miliyoni 700 Frw mbere y’uko ihabwa...

Ikigo k’igihugu gishinzwe Uburezi (REB) cyananiwe gusobanura impamvu...
15 September 2021 0