skol
Kigali

Leta yagabanyirije Igiciro abanyeshuri biga TVET ku kigero cya 30%

Amakuru   Yanditswe na: Rebecca UFITAMAHORO 16 April 2022

Leta y’u Rwanda yagabanyije amafaranga y’ishuri atangwa n’abanyeshuri biga mu mashuri ya tekiniki, imyuga n’ubumenyingiro (TVET) ku kigero cya 30%. Ni icyemezo kigomba gutangira gushyirwa mu bikorwa mu gihembwe cya gatatu kigiye gutangira.


Ibaruwa y’Ikigo cy’Igihugu gishinzwe guteza imbere imyuga n’ubumenyingiro (RTB) cyandikiye abayobozi b’uturere bose, igaragaza ko iki cyemezo kigamije gukuraho imbogamizi urubyiruko rwahuraga na zo mu kugana aya mashuri, aho wasangaga ikiguzi cyo kuyigamo ari umuzigo kuri rwo.

Iyi baruwa ivuga ko hashingiwe ku bukangurambaga bwakozwe hagamijwe guteza imbere imyigishirize ya Tekiniki, imyuga n’ubumenyingiro, nk’imwe mu ntego za gahunda ya Guverinoma y’imyaka irindwi (NST1), aho bwagaragaje ko imwe mu mbogamizi urubyiruko rugihura na zo ari ikiguzi kikiri hejuru mu mashuri ya TVET.

Ikigo RTB gishingIra kandi kuri gahunda ya Leta yo kongera ingengo y’imari igenerwa amashuri ya TVET hagamijwe guteza imbere imyigishirize ya Tekiniki, imyuga n’ubumenyingiro, no kugabanya ikiguzi cy’uburezi gisabwa ababyeyi barerera muri aya mashuri (school fees).

Iyi baruwa ikomeza igira iti "Nshingiye na none ku ibaruwa no 1079/RTB/2021 yo ku wa 20 Ukuboza 2021 twabandikiye tubagaragariza ingano y’amafaranga yagenwe na Leta mu ngengo y’imari y’umwaka 2021/2022 agamije korohereza amashuri kubona ibikoresho byifashishwa mu kwigisha (consummables) mu mashuri ya TVET ya Leta, afashwa na Leta ndetse n’ayigenga ariko ahabwa abanyeshuri na Leta ku bw’amasezerano, aherereye mu karere mubereye umuyobozi;

Nshingiye kandi ku kuba aya mafaranga yaramaze gushyikirizwa amashuri yose yavuzwe haruguru, nejejwe no kubandikira iyi baruwa mbamenyesha ko amafaranga y’ishuri (school fees) muri aya mashuri ya TVET yari asanzwe atangwa n’ababyeyi, azagabanukaho 30% guhera mu gihembwe cya gatatu cy’uyu mwaka w’amashuri wa 2021-2022."

RTB ivuga ko uku kugabanya amafaranga y’ishuri bitareba amashuri ya TVET afite abanyeshuri biga bataha basanzwe bishyura amafaranga y’amafunguro gusa (School feeding)

Sorce:RBA

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Nsanzineza Alexis

    Kaminuza banjye baduha Ao kuko usanga kwisoko y’umurimo baba bakeneye abafite Ao Kandi muri IPRC batanga A1 bikatubera imbogamizi murakoze

    1 month ago

Inzindi nkuru

Kigali: Umwana muto wagaragaye ari kwiga ari no gucuruza imbuto yakoze...

Amashusho n’ifoto by’umwana w’umukobwa wo mu Mujyi wa Kigali wagaragaye yicaye...
14 May 2022 0

Rubavu:Hatawe muriyombi abarimu 2 bakekwaho gusabambanya abana bigishaga...

Urwego rw’igihugu rw’ubushinjacyaha (RIB) rwataye muri yombi abarimu babiri...
3 May 2022 1

U Rwanda rwakiriye abarimu bazafasha gushimangira Ifaransa mu...

Abarimu 45 b’igifaransa nibo bageze mu Rwanda, boherejwe n’umuryango...
21 April 2022 0

Amashuri arafungura kuri uyu wambere,ariko kwerekeza ku mashuri ni...

Igihembe cya gatatu cy’uyu mwaka w’amashuri abanza,ayisumbuye na TVET...
18 April 2022 0

Leta yagabanyirije Igiciro abanyeshuri biga TVET ku kigero cya...

Leta y’u Rwanda yagabanyije amafaranga y’ishuri atangwa n’abanyeshuri biga mu...
16 April 2022 1

Hatangajwe ingengabihe y’uburyo Abanyeshuri bazajya mu biruhuko

Itangazo ryatanzwe n’Ikigo cy’Igihugu gishinzwe Ibizamini n’Ubugenzuzi...
22 March 2022 0