skol
Kigali

"Umunyeshuri wese ugaragaje ibimenyetso bya COVID-19 ntabwo akwiriye koherezwa ku ishuri"-MINEDUC

Amakuru   Yanditswe na: Dusingizimana Remy 10 January 2022

Minisiteri y’Uburezi yasabye ababyeyi kutohereza ku ishuri umunyeshuri wese ugaragaza ibimenyetso bya COVID-19 birimo Inkorora,ibicurane n’umuriro.

Ibi iyi minisiteri yabivuze mu itangazo yashyize hanze yise ko ari ’iryo kwirinda Covid-19 mu mashuri.

Muri iri tangazo,MINEDUC yavuze ko ababyeyi bashishikarizwa gupimisha abana babo kuva ku myaka 5 iki cyorezo hakoreshejwe Rapid Test.

Yasabye kandi abayobozi b’amashuri kwemerera ababyeyi gupimisha abana babo hakoreshejwe Rapid Test igihe bibaye ngombwa ko ikigo cy’amashuri gisabwe kwipimisha.

Ku Cyumweru, ni bwo icyiciro cya mbere cy’abanyeshuri biga mu bigo bibacumbikira batangiye kwerekeza ku mashuri yabo mu gihe kuri uyu wa Mbere taliki ya 10 Mutarama ari bwo igihembwe cya kabiri cy’uyu mwaka w’amashuri wa 2021/2022 gitangira.

Kuri Sitade ya Kigali i Nyamirambo, abanyeshuri barimo kuhafatira imodoka zibageza mu bigo bigamo, bakaba bagiye gutangira igihembwe cya kabiri biyemeje gukorana umwete ari na ko birinda kudohoka ku ngamba zo kwirinda icyorezo cya COVID-19.

Aba banyeshuri bagiye gusubukura amasomo yabo mu gihe imibare y’ubwandu bwa COVID-19 ikomeje kwiyongera, abana barimo kujya ku mashuri bakaba bavuga ko bazi uburemere bw’iki cyorezo bityo mu ngamba bajyanye hakaba harimo gushyira umuhate ku masomo yabo ariko banazirikana kwirinda icyorezo.

Minisitiri w’Uburezi Dr. Uwamariya Valentine, yavuze ko nta mpungenge nyinshi bafite kuko abayobozi benshi b’ibigo by’amashuri bamaze kumenya uko bitwara kugira ngo birinde ubwandu bw’iki cyorezo mu mashuri.

Ati “Dufite amahirwe abayobozi b’ibigo bari bamaze kumenya uko bitwara mu gihe hagaragaraye ubwandu ku ishuri ariko noneho iki cyorezo kirihuta. Birasaba ko tuvugurura n’ibyo twagenderagaho dufatanyije na Minisiteri y’Ubuzima ndetse na RBC.”

“Birasaba kwitwararika bidasanzwe. Habayeho kugoragoza tureba icyiza kurusha ikindi ariko birasaba imbaraga zidasanzwe ari Abanyarwanda twese kurinda abana kugira ngo batandura, ari no mu nzira aho baca bajya ku ishuri.”

Minisitiri Uwamariya yakomeje yibutsa abarimu ko bakwiye gusubira ku ishuri barafashe doze ya gatatu nk’uko baherutse kubisabwa na Minisiteri y’Uburezi.

Ati “Mwabonye ko mu minsi yashize twasabye abarimu ko igihembwe cyatangira bamaze gufata urukingo rwa gatatu abagejeje igihe, turizera ko ku wa Mbere nta mwarimu uzaza mu kazi atabyubahirije.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

HEC yatesheje agaciro impamyabumenyi za AIU yahaye PhD Dr.Igabe wafunzwe na...

Ikigo gishinzwe Amashuli Makuru na Kaminuza mu Rwanda [HEC] ari na cyo...
10 January 2022 0

"Umunyeshuri wese ugaragaje ibimenyetso bya COVID-19 ntabwo akwiriye...

Minisiteri y’Uburezi yasabye ababyeyi kutohereza ku ishuri umunyeshuri wese...
10 January 2022 0

Hashyizwe hanze ingengabihe y’uko abanyeshuri bazerekeza ku mashuri

Mu gihe ku wa Mbere ari bwo amashuri azatangira igihembwe cya kabiri, Ikigo...
7 January 2022 0

Nyabihu: Umwarimu wari wasezeye ku kazi kubera kwanga kwikingiza Covid-19...

Umwarimu witwa Ntirujyinama Benjamin wigishaga ku kigo cy’Amashuri cya...
2 January 2022 0

Abarimu basabwe gutangira igihembwe cya 2 bamaze gufata urukingo rwa 3 rwa...

Minisiteri y’Uburezi yandikiye abarimu n’abayobozi b’ibigo by’amashuri bafashe...
29 December 2021 0

U Rwanda na Zimbabwebasinye amasezerano yo guhana abarimu[Yavuguruwe]

Kuri uyu wa Kane tariki ya 23 Ukuboza 2021, habaye umuhango wo gushyira...
23 December 2021 0