skol

Abanyamakuru ba Iwacu TV banze kuburanishwa n’urukiko rukuru

Amakuru   Yanditswe na: Dusingizimana Remy 14 June 2021

Abanyamakuru batatu bakoreraga shene ya YouTube yitwa Iwacu TV bashinjwa gukwirakwiza impuha zigamije kwangisha u Rwanda mu bihugu by’amahanga, babwiye Urukiko Rukuru ko rudafite ububasha bwo kubaburanisha bituma urubanza rwabo mu mizi rwongera gusubikwa.

Uko ari batatu Mutuyimana Jean Damascène, Nshimiyimana Jean Baptiste na Niyonsenga Schadrack bafunzwe mu Ukwakira 2018.

Iburanisha ry’uyu munsi ryabaye hifashishijwe Skype bari kuri Gereza mu rwego rwo kwirinda Coronavirus mu gihe Ubushinjacyaha bwari buri ku cyicaro gikuru hamwe n’abunganira abaregwa.

Uru rubanza rwatangiye saa yine. Umucamanza yahaye ijambo abunganira abaregwa, Me Ibambe Jean Paul abwira Urukiko Rukuru ko rudafite ububasha bwo kuburanisha uru rubanza ahubwo ruri mu bubasha bw’Urukiko rw’Ibanze kuko ibyaha Ubushinjacyaha bushinja abaregwa ariho biregerwa.

Me Ndayambaje Gilbert na we yabwiye Umucamanza ko abo yunganira batunguwe no kubona Ubushinjacyaha busaba ko urubanza rwabo rubera mu Rukiko Rukuru kandi nta byaha bishya bwashyize muri dosiye.

Umucamanza yahaye umwanya abaregwa ngo bagire icyo bavuga ku byari bimaze kuvugwa n’ababunganira mu mategeko, Niyonsenga Schadrack avuga ko atumva impamvu yazanywe kuburanishirizwa mu Rukiko Rukuru kandi kuva batangira kubazwa haba mu bugenzacyaha n’ubushinjacyaha baregwa ibyaha bimwe.

Mutuyimana Jean Damascène na we yahise yunganira Niyonsenga asaba Urukiko Rukuru ko rwakwiyambura ububasha urubanza rwabo rugasubizwa mu Rukiko rw’Ibanze kuko ari na rwo rwatangiye rubaburanisha bigahinduka nyuma.

Ubushinjacyaha buhawe umwanya bwasabye ko uru rubanza rusubikwa kugira ngo rubanze rutegure neza ikirego cyarwo n’inzitizi zatanzwe n’abaregwa.

Umucamanza yumvise impande zombi asubika iburanisha aryimurira kuwa 2 Kanama 2021, saa mbili za mu gitondo.

Ubushinjacyaha buvuga ko abo banyamakuru bifashishaga inkuru zatangajwe n’ibindi bitangazamakuru byo mu Rwanda bakazihindurira imitwe, izindi bakazihimbira bagamije ko zirebwa cyane kuri YouTube.

Mu iburanisha ryo ku wa 13 Ugushyingo 2019, Ubushinjacyaha bwasabye Urukiko rw’Ibanze rwa Nyarugenge gusubika urubanza kugira ngo bubashe kongera gusesengura dosiye yari yaregewe Urukiko.

Abaregwa baramutse bahamwe n’icyaha cyo gukwirakwiza ibihuha bigamije kwangisha Leta mu bihugu by’amahanga, bahanishwa igihano kiri hagati y’imyaka irindwi na 10 y’igifungo.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urukiko rwategetse ko Rashid Hakuzimana afungwa iminsi 30 y’agateganyo

Urukiko rw’Ibanze rwa Nyarugenge rwategetse ko Hakizimana Abdul Rashid...
22 November 2021 0

Jado Castar yajuririye igifungo cy’imyaka 2 yahawe

Umunyamakuru akaba yari na Visi Perezida wa FRVB,Bagirishya Jean de Dieu...
22 November 2021 0

Bivuze iki kuba Umucamanza yarahaniye Cyuma Hassan icyaha kitabaho...

Ubushinjacyaha bwatangaje ko bwajuriye busaba ko hakosorwa kuba Niyonsenga...
17 November 2021 1

Rashid yahakanye ibyaha byose arengwa anavuga ko yakorewe iyicarubozo ryo...

Umugabo uzwi uzwi kuri channel zinyuranye za YouTube no ku ye bwite Rashid...
17 November 2021 0

Muhanga: Gitifu washinjwaga gusambanya ku gahato no gutera indwara idakira...

Uwahoze ari umunyamabanga Nshingwabikorwa w’Umurenge wa Muhanga, Ntezirembo...
17 November 2021 0

Kigali: Abagabo babiri bakurikiranyweho kwica umuntu bamukubise Fer-a beton...

Kuri uyu wa mbere urukiko rwibanze rwa Nyarugenge rwategetse ko Uwitwa...
15 November 2021 0