skol
fortebet

Abayoboke ba DALFA Umurinzi na nyiri UMUBAVU TV bahawe kumara iminsi 30 bafunzwe

Yanditswe: Tuesday 09, Nov 2021

featured-image

Sponsored Ad

Urukiko rw’ibanze rwa Kicukiro rwategetse ko Umunyamakuru Nsengimana Theoneste nyiri Umubavu TV na bagenzi be barindwi bo mu ishyaka Dalfa-UMURINZI bafungwa by’agateganyo iminsi 30 muri Gereza.

Sponsored Ad

Umugore witwa Uwatuje Joesse war’ufunganwe n’abagabo 8 harimo na Nsengimana Theoneste nyiri Umubavu TV, Umucamanza yategetse ko ahita afungurwa kuko Ubushinjacyaha nta bimenyetso bwagaragarije urukiko byatuma akomeza gukurikiranwa afunze.

Uru rubanza rwageze bwa mbere mu rukiko rwibanze rwa Kicukukiro kuwa 28 Ukwakira 2021 icyo gihe urubanza rwarasubitswe rwimurirwa kuwa 02 Ugushyingo 2021.

Abaregwa bose baburanye bahakana icyaha bagasaba urukiko ko mu bushishozi bwarwo rwabarekura bagasanga imiryango yabo kuko ikirego cy’ubushinjacyaha nta bimenyetso gifite gikomeye gituma bubahamya icyaha.

Ubwo bari imbere y’urukiko kuwa 02 Ukwakira 2021 uko ari 9,Ubushinjacyaha bwabasabiye gufungwa iminsi 30 kubera uburemere bw’icyaha bakurikiranyweho.

Ubushinjacyaha bwasobanuye ko ibyaha burega aba bantu icyenda biganjemo abarwanashyaka ba DALFA-Umurinzi bishingiye ku mahugurwa buvuga ko bakoze abigisha ’uburyo bwo guhirika ubutegetsi bw’igitugu badakoresheje imirwano’.

Aha kandi ubushinjacyaha bwavuze ko iperereza ku bafunze rigikomeje Umucamanza yumvishe impande zose apfundikira iburanisha avuga ko urubanza rusasomwa kuwa 05 Ugushyingo 2021.

Ubwo byari byitezwe ko urubanza rusomwa umucamanza yasubitse urubanza avuga ko rusubitswe kuko bagitegura isomwa ryarwo kuko abaregwa ari benshi na Dossier yabo ikaba ari nini.

Umucamanza yahise urubanza arwimurira kuri uyu wa 09 Ugushyingo 2021 Saa kumi z’umugoroba

Ubwo yasomaga Urubanza mu cyumba cy’urukiko kuri uyu mugoroba abaregwa bose nta numwe wagaragaye ku rukiko ndetse n’ubushinjacyaha nabwo ntabwo bwagaragaye mu rukiko.

Umucamanza yavuze ko abaregwa 8 urukiko rutegetse ko bafungwa by’agateganyo iminsi 30 kugira ngo iperereza ry’ubushinjacyaha rikomeze.

Umucamanza yanavuze ko abaregwa mu gihe baba bahamijwe icyaha n’urukiko bahanishwa igihano kiri hejuru y’imyaka ibiri ko ariyo mpamvu itumye urukiko rubafunga by’agateganyo kubera uburemere bw’ibyaha bakurikiranyweho

Umucamanza yahise avuga ko Uwitwa Uwatuje Jouesse we ahita arekurwa urubanza rukimara gusomwa,kuko nta bimenyetso ubushinjacyaha bwatanze bimuhamya icyaha.

Uyu Uwatuje Jouesse asanzwe atuye mu karere ka Kicukiro ni Umukozi wo mu rugo wa Madamu Ingabire Umuhoza Victoire nyiri ishyaka ritaremerwa na Leta rya DALFA UMURINZI.

Abaregwa bose bafite iminsi 5 yo kujururira icyemezo cy’urukiko rw’ibanze rwa Kicukiro mu rukiko rwisumbuye rwa Nyarugenge.

Mu cyumba cy’urukiko ubwo urubanza rwasomwaga nta bantu benshi barimo usibye bamwe mu bayoboke ba Dalfa Umurinzi na nyiri ishyaka Madamu Ingabire umuhoza Victoire.

Abafunze bagiye bafatwa mu bihe bitandukanye kuva mu Ukwakira 2020.

Kuwa 14 Ukwakira 2021 Urwego rw’ubugenzacyaha RIB rubinyujije ku rukuta rwabo rwa Twiterr rwavuze ko rwataye muri yombi Nsengimana Theoneste nyiri Umubavu TV n’abandi bantu.

Icyo gihe RIB yavuze ko abatawe muri yombi bacyekwaho icyaha cyo gutangaza amakuru y’ibihuha no guteza imvururu muri rubanza.

Si ubwa mbere Nsengimana Theoneste atawe muri yombi na RIB kuko muri Mata 2020 nabwo yigeze gutabwa muri yombi arekurwa n’urukiko rw’ibanze rwa kicukiro abaye umwere.

Icyo gihe Ubushinjacyaha bwahise bujururira icyemezo cy’urukiko mu rukiko rwisumbuye rwa Nyarugenege nabwo arongera aratsinda.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa