skol

Ba bakobwa bafunzwe bazira gukomeretsa bikabije mugenzi wabo bagabanyirijwe imyaka y’igifungo

Amakuru   Yanditswe na: Dusingizimana Remy 9 November 2020

Abakobwa batandatu ari bo, Nkamiro Zaina, Umulisa Gisèle, Umuhoza Connie, Umuhoza Rosine, Umutoni Hadidja, Uwimana Zainabu, n’umuhungu umwe bareganwa witwa Kamanzi Cyiza Cardinal baherukaga gukatirwa igifungo cy’imyaka 25 bashinjwa icyaha cy’ubwinjiracyaha bw’ubwicanyi bagabanyirijwe igihano kiba imyaka 15.


Kuwa 17 Werurwe 2020,nibwo Urukiko rw’ibanze rwa Nyarugenge aho aba bakobwa baburaniraga,rwabakatiye imyaka 25 y’igifungo kubera gukubita Mukamana Sandrine bakamwangirizwa imyanya ye y’ibanga.

Ku wa 16 Ukwakira 2020, Nkamiro Zaina na bagenzi be bari baburanye ubujurire bwabo bw’igifungo cy’imyaka 25 bari bakatiwe n’Urukiko Rwisumbuye rwa Nyarugenge.

Ubushinjacyaha bwaburanye ubu bujurire, bwari bwabwiye Urukiko Rukuru ko rubakurikiranyeho icyaha cyo gukubita no gukomeretsa bikabije aho kuba icyaha cy’ubwinjiracyaha mu kwica bari bahamijwe na ruriya rukiko rwababuranishije mbere.

Inteko y’Ubushinjacyaha bwari yanahindutse mu rubanza rw’Ubujurire kuko ababuranye urwa mbere batari ku rwego rw’Urukiko rukuru, yabwiye Umucamanza ko yabuze ibimenyetso kuri kiriya cyaha cy’ubwinjiracyaha bw’ubwicanyi.

Gusa Ubushinjacyaha bwasabaga Urukiko Rukuru kugumishaho kiriya gihano cy’igifungo cy’imyaka 25 n’ihazabu ya miliyoni 4,4 Frw bari bakatiwe na ruriya rukiko rwisumbuye rwa Nyarugenge.

Abaregwa bo bavugaga ko igihano bahawe n’Urukiko Rwisumbuye rwa Nyarugenge kiremereye ndetse ko kitajyanye n’ibikorwa bakoze dore ko ngo uwo baregwa gukubita yakize ndetse ubu akaba ameze neza.

Nkamiro Zaina ufatwa nk’uyoboye iri tsinda, ubwo yaburanaga yagize ati “Nge numvaga nari gukurikiranwaho icyaha cyo gukubita no gukomeretsa byoroheje kuko ntamugambi twari dufite wo kwica Mukamana Sandrine kuko iyo tuza kuba dushaka kumwica ntabwo byari kutunanira kuko atari kunanira abantu barindwi bose.”

Mu gusoma icyemezo cy’Urukiko uyu munsi, Umucamanza yavuze ko urukiko rwasanze ibyasabwe byo guhindura inyito y’icyaha bifite ishingiro, avuga ko rwasanze bariya bantu bahamwa n’icyaha cyo gukubita no gukomeretsa bikabije.

Umucamanza yahise abahanisha igifungo cy’imyaka 15 n’ihazabu ya miliyoni 3 Frw kuri buri muntu.

Icyemezo cyasomwe nta muburanyi n’umwe uri mu cyumba cy’iburanisha cyangwa ngo babe babikurikiranira ku ikoranabuhanga rya Video Conference gusa bamwe mu bo mu miryango y’abaregwa bagaragaraga mu cyumba cy’iburanisha.

Source: Umuseke

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble frank tumushabe

    Bitewe nibyo urubanza rwanzuye rushingiye kwisesengura ryurubanza bafate ikemezo kinogeye buriwese

    November 2020

Inzindi nkuru

Dr.Christopher Kayumba uri kwiyicisha inzara aho afungiye yabajijwe...

Christopher Kayumba umunyapolitiki ufunze uri kwiyicisha inzara, yabajijwe...
16 September 2021 0

Wenceslas Twagirayezu yangiwe "gukomeza gushaka abamushinjura"

Urugereko rwihariye rukurikirana imanza z’ibyaha byambukiranya imipaka ruri...
14 September 2021 0

Urukiko rwahaye Safari George wagaragaye mu mashusho ari kuniga umu DASSO...

Urukiko rw’ibanze rwa Nyagatare rwategetse ko Safari George uherutse...
9 September 2021 0

Safari George wagaragaye mu mashusho ari kuniga umu DASSO yasabiwe gufungwa...

Ubushinjacyaha bwasabiye Safari George uheruka kugaragara mu mashusho...
7 September 2021 0

Umuhanzi Nsengiyumva Francois uzwi nk’"Igisupusupu" yarekuwe

Urukiko Rwisumbuye rwa Nyagatare rwafashe icyemezo cyo kurekura Nsengiyumva...
26 August 2021 0

Nyirambegeti wagaragaye ari gukubita umugabo we ngo nuko yavuye mu rugo...

Umugore witwa Nyirambegeti w’imyaka 21 ukurikiranyweho gukubita umugabo we...
24 August 2021 2