Hon.BamporikI Edouard arasomerwa urubanza uyu munsi nyuma ya saa sita.
Bamporiki Edouard wabaye muri guverinoma ashinjwa ibyaha byo gusaba no kwakira indonke ndetse no gukoresha ububasha ahabwa n’itegeko yaka ruswa. Ubushinjacyaha bwari bwamusabiye ibihano birimo gufungwa imyaka 20.
Bamporiki yitabye Urukiko Rwisumbuye rwa Nyarugenge ku wa Gatatu tariki 21 Nzeri 2022 kuburanishwa ku byaha akekwaho.
Ubushinjacyaha bwasabye Urukiko rwisumbuye rwa Nyarugenge guhamya Bamporiki Edouard (…)

Hon.BamporikI Edouard arasomerwa urubanza uyu munsi nyuma ya saa sita.

Bamporiki Edouard wabaye muri guverinoma ashinjwa ibyaha byo gusaba no kwakira indonke ndetse no gukoresha ububasha ahabwa n’itegeko yaka ruswa.
Ubushinjacyaha bwari bwamusabiye ibihano birimo gufungwa imyaka 20.

Bamporiki yitabye Urukiko Rwisumbuye rwa Nyarugenge ku wa Gatatu tariki 21 Nzeri 2022 kuburanishwa ku byaha akekwaho.

Ubushinjacyaha bwasabye Urukiko rwisumbuye rwa Nyarugenge guhamya Bamporiki Edouard ibyaha byo kwakira indonke no gukoresha ububasha ahabwa n’amategeko mu nyungu ze bwite, agahanishwa gufungwa imyaka 20 n’ihazabu ya miliyoni 200 Frw.

Bamporiki ashinjwa kwaka ruswa uwitwa Gatera Norbert,nyiri uruganda rukora ibinyobwa, rwafunzwe n’Umujyi wa Kigali kubera kutuzuza ibisabwa.

Ubushinjacyaha bwasobanuye ko Bamporiki yari yijeje Gatera ko uruganda rwe ruzafungurwa ariko amusaba indonke kugira ngo amufashe.

Ubushinjacyaha bwasobanuye ko Bamporiki yabanje gusaba Gatera Norbert amafaranga amubwira ko natayahamuha ibikorwa bye bizafungwa, ndetse nyuma biza gufungwa ku ya 28 Mata 2022, biturutse ku makuru Bamporiki yari yahaye Visi Meya w’umujyi wa Kigali ushinzwe imiturire.

Bwana Bamporiki yireguye avuga ko atigeze agira ’uruhare’ mu ifungwa ry’uruganda rwa Gatera Norbert ndetse no mu ifungurwa ryarwo, yemera gusa ko yakiriye amafaranga yahawe nk’ishimwe kandi yari asanzwe ahana amafaranga na Gatera Norbert kuva mu myaka 17 ishize kuko ari inshuti.

Yasobanuye ko kuya 3 Gicurasi 2022, yahuriye muri Hotel Grand Legacy na Shema Gregoire wari kumwe na Gatera Norbert abahuza na Visi Meya w’Umujyi wa Kigali kugira ngo barebe uko ibikorwa by’uruganda rwa Shema na Gatera rwafungurwa, avuga ko yabiherewe Ishimwe ryiswe ’Inzoga’.

Yavuze ko yemera ko iyinjira cyaha rye ryahereye ubwo yamenyaga ko yagenewe inzoga (amafaranga), asaba ko yashyirwa kuri Reception akemera kuyakira ariko avuga ko ntacyo yakoze kugira ngo uruganda rufungwe cyangwa rufungurwe kuko atari we ubifitiye ububasha. Yasoje asaba imbabazi ati "Ndasaba imbabazi mvuga ko ndamutse nzihawe zazambera igishoro mu buzima nsigaje kugira ngo ngire umumaro mu muryango w’abanyarwanda."

Ubushinjacyaha bwavuze ko bwumvise ko Bamporiki atemera ibyaha aregwa 100% bityo adakwiriye kugabanyirizwa ibihano.