skol

Dr.Igabe wari washinjwe kwiha impamyabumenyi y’ikirenga atakoreye yafunguwe

Amakuru   Yanditswe na: Dusingizimana Remy 12 March 2022

Urukiko Rwisumbuye rwa Nyarugenge rwategetse ko Dr Igabe Egide ukurikiranyweho guhimba, guhindura inyandiko cyangwa gukoresha inyandiko mpimbano, afungurwa by’agateganyo agakomeza kuburana ari hanze.

Uyu mwanzuro watangajwe ku wa Gatanu, tariki 11 Werurwe 2022; wakuyeho icyemezo cy’Urukiko rw’Ibanze rwa Kicukiro [cyo ku wa 25 Mutarama 2022] rwari rwategetse ko Dr Igabe afungwa iminsi 30 y’agateganyo mu gihe hagikorwa iperereza ku byo ashinjwa.

Iki cyemezo yakijururiye mu Rukiko Rwisumbuye rwa Nyarugenge, ari narwo rwategetse ko arekurwa akazaburana urubanza mu mizi adafunze.

Umucamanza yavuze ko Dr Igabe ategetswe gutanga ingwate y’ibihumbi 500 Frw ndetse ko urukiko ruzemeza ko afunguwe rumaze kubona ko ayo mafaranga yishyuwe.

Dr Igabe Egide yaburaniye mu Rukiko Rwisumbuye rwa Nyarugenge yunganiwe na Me Uwiragiye Prosper.

Mu iburanisha riheruka yari yatakambiye urukiko arusaba kumurekura akajya kuvuza umwana we urembye. Icyo gihe yasabye gutanga ingwate y’ibihumbi 500 Frw ngo arekurwe by’agateganyo.

Dr Igabe Egide yibukijwe ko ategetswe kuzajya yitaba Ubushinjacyaha buri wa Gatanu w’icyumweru mu mezi atatu nyuma yo kurekurwa.

Tariki ya 6 Mutarama 2022 ni bwo Urwego rw’Igihugu rw’Ubugenzacyaha (RIB) rwafunze Dr Igabe Egide rumukurikiranyeho gukoresha inyandiko mpimbano y’Impamyabumenyi y’Icyiciro gihanitse cya Kaminuza (PhD) mu gushaka akazi muri kaminuza zo mu Rwanda.

Icyo gihe uru rwego rwatangaje ko Dr Igabe yahimbye icyemezo kivuga ko yarangije kwiga PhD muri Atlantic International University (AIU) yo muri Leta Zunze Ubumwe za Amerika kugira ngo abone akazi.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ishimwe Dieudonné yahanaguweho icyaha gikomeye asigarana ibindi...

Ishimwe Dieudonné uzwi cyane nka "Prince Kid" wateguraga irushanwa rya Miss...
16 May 2022 0

Urukiko rwafashe icyemezo cyo gufunga by’agateganyo Prince Kid iminsi...

Ishimwe Dieudonne ’Prince Kid’, yasomewe iki cyemezo cy’Urukiko ku gicamunsi...
16 May 2022 0

RIB yashyikirije Ubushinjacyaha Dosiye ya Miss Elsa na Notaire...

Ku wa Gatanu tariki 13 Gicurasi RIB yashyikirije Ubushinjacyaha dosiye ya...
16 May 2022 0

Laurent Bucyibaruta wabaye perefe wa Gikongoro yagaruwe mu rukiko

Urukiko rwa rubanda rw’i Paris mu Bufaransa kuri uyu wa Mbere rwakomeje...
16 May 2022 0

Urubanza rwa Bucyibaruta I Paris: Inzobere mu by’ubuzima zivuga ko nta...

Ku munsi wa kabiri w’urubanza rwa Bucyibaruta Laurent rubera I Paris mu...
12 May 2022 0

Urukiko rwakatiye abagabo batatu imyaka 155 kubera kwivugana ufite ubumuga...

Mu gihugu cya Malawi , Urukiko rwakatiye buri umwe mu bagabo batatu imyaka...
12 May 2022 0