Urubanza Repubulika ya Demokarasi ya Congo yarezemo u Rwanda imbere y’Urukiko rw’Ubutabera rw’Umuryango wa Afurika y’iburasirazuba (EACJ) ruratangira kuri uyu wa Kane,i Arusha muri Tanzania.

Sponsored Ad

Kinshasa ishinja Kigali gutera uburasirazuba bwa Congo ndetse n’ibyaha by’intambara binyuze mu kwigomeka kwa M23 ishinja u Rwanda gutera inkunga yeruye.

Uru rubanza rutangira uyu munsi tariki ya 26 Nzeri 2024, Urukiko rw’Ubutabera rw’Umuryango wa Afurika y’Iburasirazuba (EAC) rugomba gufata icyemezo niba ibirego Kongo ishinja umuturanyi wayo bifite ishingiro kuburyo byatangira kuburanwa ho.

Niba byemejwe ko urukiko rwa EAC rufite ububasha bwo kuburanisha ibirego RDC yayiregeyemo u Rwanda , barahita batangira gushyiraho guhunda yo kuruburanisha yimbitse.

Gusuzuma ibirego birakorwa DRC ihagarariwe n’intumwa ziyobowe na Minisitiri w’ubutabera wungirije, Samuel Mbemba, bahanganye n’abanyamategeko babiri boherejwe na minisitiri w’ubutabera w’u Rwanda, Emmanuel Ugirashebuja nk’uko iyi nkuru dukesha RFI ivuga.