skol

Idamange yanze kwitaba urukiko i Nyanza

Amakuru   Yanditswe na: Dusingizimana Remy 15 June 2021

Urubanza rwa Yvonne Idamange rwasubitswe kuko igihe cyo gutangira yari ari mu cyumba afungiwemo i Kigali kuko yanze kuburanira ku cyicaro cy’urukiko i Nyanza mu majypefo y’u Rwanda.


Inteko y’urugereko rw’urukiko rukuru ruburanisha ibyaha byambukiranya imipaka rukorera i Nyanza rwahawe urubanza rwe, uyu munsi yageze mu cyumba cy’iburanisha ibura uregwa.

Ubwanditsi bw’urukiko bwahamagaye kuri gereza, babuhuza na Idamange kuri telephone, ababwira ko ataza mu rubanza kuko atiguye kuburanira kuri video cyangwa i Nyanza.

Idamange aregwa ibyaha bitandatu birimo: guteza imvururu muri rubanda, gutanga amakuru y’ibihuha yifashishije ikoranabuhanga no gupfobya jenoside. Ibyaha we yahakanye.

Mu iburanisha rishize, yasabye kutaburanira kuri video, no kuburanira i Kigali imbonankubone kuko ’atize umutekano we i Nyanza’, urukiko rwari rwamwemereye icya mbere.

Icyo gije yari yavuze ko afite imbogamizi zo kwitabira urubanza i Nyanza kandi afungiye i Kigali, kandi ko abatangabuhamya be, umuryango we, n’abashaka gukurikirana urubanza rwe byabagora kujya bajya i Nyanza mu rubanza.

Uyu munsi ubwanditsi bw’urukiko bwavugaga ko abunganira Madamu Idamange biteguye kuburanira ku rukiko i Nyanza ariko bisa n’aho batabyumvikanyeho n’uwo bunganira.

Kubura kwe mu rukiko, byatumye abacamanza basubika urubanza rwe, bavuga ko rushyizwe tariki 22 z’uku kwezi kwa gatandatu kugira ngo avugane n’abunganizi be kuri icyo kibazo.

Umunyamakuru wa BBC Yves Bucyana wari ku rukiko, avuga ko bishoboka ko mu gihe Madamu Idamange atakwitaba urukiko aho rwagennye ashobora kuburanishwa adahari.

Yvonne Idamange Iryamugwiza w’imyaka 42, nyina w’abana bane, yamenyekanye nyuma yo gutangiza ’channel’ kuri YouTube anenga ubutegetsi bw’u Rwanda, yafashwe mu kwezi kwa kabiri arafungwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Visi perezida wa FRVB,Jado Castar, yakatiwe igifungo cy’imyaka...

Visi perezida wa kabiri w’ishyirahamwe ry’umukino wa Volleyball mu...
13 October 2021 0

Abaregwa gushaka gutorokesha Nyakwigendera Kizito Mihigo Basabiwe Gufungwa...

Ubushinjacyaha bw’u Rwanda burasabira igifungo cy’imyaka irindwi n’igice...
12 October 2021 0

Ubushinjacyaha bwatangiye gushyira hanze imyirondoro y’abahamwe n’ibyaha byo...

Ubushinjacyaha Bukuru bw’u Rwanda, bwashyize hanze urutonde rw’abantu 322...
11 October 2021 0

Nyamagabe: Umusore akurikiranyweho gusambanya umwana amubeshya kumuha...

Ubushinjacyaha ku Rwego Rwisumbuye rwa Nyamagabe bwashyikirijwe dosiye...
9 October 2021 0

Rurangwa Oswald wahamijwe ibyaha bya jenoside yagejejwe mu Rwanda...

Umunyarwanda Rurangwa Oswald wirukanwe ku butaka bwa Leta Zunze ubumwe za...
7 October 2021 0

Urubanza ruregwamo Zigama CSS n’abandi rwasubitswe kubera ubwinshi...

Ku rukiko rw’ubucuruzi ruherereye mu mu mujyi wa Kigali mu murenge wa...
7 October 2021 0