Béatrice Munyenyezi ukurikiranyweho ibyaha bya Jenoside amaze kugera ku Rukiko rw’Ibanze rwa Kicukiro ruherereye mu Kagarama aho agiye gukomeza kuburana ku ifunga n’ifungurwa ry’agateganyo.
Ahagana Saa mbili n’iminota 45 nibwo Munyenyezi yari ageze Kicukiro ku Rukiko. Ubwo yageraga mu Rukiko yagaragaye ari kuganira n’Umwunganizi we mu mategeko, Me Buhuri Pierre Celestin.
Madamu Beatrice MUNYENYEZI yagejejwe ku rukiko rwibanze rwa Kicukiro bwa mbere kuwa 28 Mata 2021, arinzwe cyane n’aba (…)

Béatrice Munyenyezi ukurikiranyweho ibyaha bya Jenoside amaze kugera ku Rukiko rw’Ibanze rwa Kicukiro ruherereye mu Kagarama aho agiye gukomeza kuburana ku ifunga n’ifungurwa ry’agateganyo.

Ahagana Saa mbili n’iminota 45 nibwo Munyenyezi yari ageze Kicukiro ku Rukiko.
Ubwo yageraga mu Rukiko yagaragaye ari kuganira n’Umwunganizi we mu mategeko, Me Buhuri Pierre Celestin.

Madamu Beatrice MUNYENYEZI yagejejwe ku rukiko rwibanze rwa Kicukiro bwa mbere kuwa 28 Mata 2021, arinzwe cyane n’aba Police bo muri Speciale Force hari na b’igitsina gore kuko MUNYENYENZI ari umugore.

Madamu MUNYENYEZI Beatrice akurikiranyweho n’ubushinjacyaha ibya birindwi birimo ibyibasiye inyokumuntu.

Madamu Beatrice MUNYENYEZI yunganiwe na Me Gatera Gashabana na Me Buhuru Pierre Clestin (utarabonetse mu iburanisha rya mbere ).

Icyo gihe,Umucamanza yatangiye aha ijambo uruhande ruregwa, Me Gatera Gashabana atangira atanga inzitizi zisaba ko iburanisha ritaba.

Zimwe mu nzitizi yatanze harimo iz’uko uwo yunganira atarabona Dossier y’ibyo aregwa ariko yagaragarije urukiko ko nawe ubwe atarabona Dossier ya MUNYENYEZI kandi ariwe umwunganira mu mategeko.

Me Gatera yanagaragarije urukiko ko ataburana atari kumwe na mugenzi we Me Buhuru Pierre Clestin utaragaragaye mu rukiko kubera ko yari yagiye kuburana urundi rubanza.

Uyu munyamategeko yanavuze ko bamenyeshejwe ko bafite urubanza ku gicamunsi ku munsi umwe mbere y’aho abwira urukiko ko ubundi bitabaho ko bari bakwiye kumenyeshwa ko bazaburana hakiri kare kugira ngo bitegure neza urubanza.

Me Gashabana yasabye umucamanza ko byibura urubanza rwashyirwa kuwa 03 Gicurasi 2021 kugira ngo bitegure neza anabone umwanya wo kuvugana n’umukiriya we.

Beatrice MUNYENYEZI yasabye urukiko kumufasha akavugana n’umuryango we kuko kuva yagera mu Rwanda nta muntu n’umwe baravugana wo mu muryango we yabwiye urukiko ko abishaka kugira ngo umuryango we umufashe kwishyura abamuhagarariye mu mategeko no kugira ngo umenye uko abayeho muri rusange aho afungiye.

Madamu MUNYENYEZI Beatrice kandi yasabye urukiko kuzamufasha kubona Dossier ze zizamufasha kuburana uru rubanza zasigaye muri America.Ko urukiko rwazategeka nazo zikazanwa kuko mu byo yabonye ntabwo zirimo.

Umucamanza yahise aha ijambo ubushinjacyaha ngo bugire icyo buvuga ku byari bimaze kuvuga na Me Gatera Gashabana ndetse na Madamu MUNYENYEZI Beatrice.

Ubushinjacyaha bwahise bubwira urukiko ko ibyo Me Gatera Gashabana yavuze by’uko batarabona Dossier byabazwa urukiko kuko ubushinjacyaha bwaregeye urukiko hakiri kare mu minsi yagenwe.

Naho kuba MUNYENYEZI Beatrice asaba ko yavugana n’umuryango we kugira ngo umufashe kumwishyurira abamwunganira mu mategeko ubushinjacyaha bwavuze ko nta kibazo kuko biri mu burenganzira bwe bwo kuburana yunganiwe.

Ubushinjacyaha bwasabye urukiko ko amatariki yose asabwa yashyirwa hafi kuko uregwa ubu ari kuburana ifunga n’ifungurwa ry’agateganyo.

Umucamanza yumvishe impande zombi ategeka ko asubitse iburanisha avuga ko urubanza ruzakomeza kuwa 05 Gicurasi 2021 Saa tatu za mu gitondo.