Musanze: Ukekwaho gukubita DASSO akamukomeretsa umutwe yatawe muri yombi
Yanditswe: Friday 27, Mar 2020
Urwego rw’Igihugu rw’Ubugenzacyaha ( RIB) rwataye muri yombi umugabo witwa Maniriho Jean Damascène ukurikiranweho gukubita umukozi w’Urwego rwunganira akarere mu by’umutekano (DASSO) akamukomeretsa.
Uyu mugabo ufungiye mu Murenge wa Muhoza mu karere ka Musanze, ari mu bakubise DASSO ubwo yabasabaga gusubira mu ngo zabo mu rwego rwo kwirinda Coronavirus kuwa 25 Werurwe 2020,bo bakamukubita.
Umuvugizi w’urwego rw’igihugu rw’ubugenzacyaha Mme Marie Michelle Umuhoza, yabwiza Bwiza.com dukesha iyi nkuru ko ufunzwe akurikiranweho icyaha cyo gukubita no gukomeretsa.
Umuhoza yagize ati " Akurikiranweho icyaha cyo gukubita no gukomeretsa, ubugenzacyaha bwatangiye gukora iperereza ku byaha ashinjwa."
Ku mugoroba wo ku itariki 25 Gashyantare 2020 ni bwo umukozi w’urwego DASSO witwa Maniriho Martin yakubitiwe ahitwa ku Ngagi, mu Murenge wa Cyuve mu Karere ka Musanze, birangira akomeretse mu mutwe.
Leave a Reply
Your email address will not be published. Required fields are marked *