skol

Rashid yahakanye ibyaha byose arengwa anavuga ko yakorewe iyicarubozo ryo mu mutwe

Amakuru   Yanditswe na: Dusingizimana Remy 17 November 2021

Umugabo uzwi uzwi kuri channel zinyuranye za YouTube no ku ye bwite Rashid TV aho yatangaga ibitekerezo bitavugwaho rumwe, yahakanye ibyaha bine aregwa birimo gutangaza ibihuha.


Abdou Rashid Hakuzimana wafunzwe mu mpera z’ukwezi gushize k’Ukwakira, yagejejwe imbere y’umucamanza aburana ku ifungwa cyangwa ifungurwa ry’agateganyo.

Hakuzimana, Aimable Karasira, Yvonne Idamange, Theoneste Nsengimana na Niyonsenga Dieudonne bafunzwe muri uyu mwaka, bose bazwi cyane kubera ibyo batangaza kuri YouTube.

Mu rukiko rw’ibanze rwa Nyarugenge, Ubushinjacyaha bwavuze ko aregwa guhakana jenoside, gupfobya jenoside, gukurura amacakuburi, no gutangaza ibihuha.

Ubushinjacyaha bwavuze ko ibyo byaha yabikoze mu bihe bitandukanye ku rubuga rwa YouTube rwitwa Umubavu TV - nyirarwo na we afunze ku bindi byaha bitandukanye - hamwe no ku rubuga rwe Rashid TV.

Rashid yavuze ko atemera ibyaha aregwa ariko ntiyabyisobanuraho kuko yavuze ko hari uburenganzira bwe butubahirijwe.

Yavuze ko atigeze ahabwa igihe cyo kwisobanura mu bushinjacyaha, ko no ku nyandiko aho yari gushyira ibisubizo bye harimo ubusa.

Ubushinjacyaha bwavuze ko yabajijwe akanga kuvuga kandi yari ari kumwe n’umwunganira mu mategeko.

Rashid Hakuzimana we yongeyeho ko yakorewe iyicarubozo ryo mu mutwe abwirwa amagambo amukomeretsa mu gihe cy’ibazwa, kandi ko bitemewe n’amategeko.

Umwunganizi we mu mategeko, Felix Rudakemwa, yabanje kwanga kugira icyo avuga kuko ngo uwo yunganira "agomba kubanza agasubizwa uburenganzira yambuwe mbere".

Uregwa yasabye kurekurwa agakurikiranwa adafunze, naho Ubushinjacyaha busaba urukiko ko akomeza gufungwa by’agateganyo.

Umucamanza yavuze ko ibyo byose azabisuzuma rimwe n’ibivugwa n’Ubushinjacyaha agatanga umwanzuro w’urukiko ku ifungwa cyangwa ifungurwa ry’agateganyo tariki 22 z’uku kwezi k’Ugushyingo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare bashinjwaga gufata ku ngufu abagore bo muri Kangondo II...

Abasirikare babiri bafite ipeti rya Private bari bakurikiranyweho ibyaha...
2 December 2021 0

Rulindo:Urukiko rwategetse ko Padiri ukekwaho gusambanya umwana afungwa...

Urukiko rwafashe icyemezo cyo gufunga by’agatagenyo iminsi 30 Umupadiri wo...
1 December 2021 0

Impaka ku batangabuhamya mu rubanza rwa Wenceslas Twagirayezu ukekwaho...

Ubushinjacyaha bwatanze urutonde rw’abatangabuhamya 10 bwifuza ko bazaza mu...
1 December 2021 0

Umuryango wa Rwigara urishyuzwa amafaranga arenga Miliyoni 349...

Urukiko rw’ubucuruzi mu Rwanda rwanzuye ko Umuryango wa Nyakwigendera...
30 November 2021 0

Urukiko rwategetse Rwiyemezamirimo Mbaduko Jimmy kwishyura miliyoni zisaga...

Urukiko rwategetse Mbaduko Jimmy kwishyura Miliyoni 81,550,433Frw mu...
28 November 2021 0

Kabayija ushinjwa kuyobora igitero cyagabwe mu Kinigi yasabiwe gufungwa...

Ubushinjacyaha bwasabiye Kabayija Selemani wari mu bari bayoboye igitero...
24 November 2021 0