skol

RIB yatangiye gukurikirana M.Irene ushinjwa guharabika Mike Karangwa

Amakuru   Yanditswe na: Dusingizimana Remy 21 July 2021

Umunyamakuru Michel Karangwa uzwi nka Mike Karangwa yatanze ikirego mu rwego rw’Igihugu rw’Ubugenzacyaha RIB arega mugenzi we Murindahabi Irene uzwi nka M.Irene amushinja kumuharabika ko yagize uruhare mu kumutandukanya n’abahanzikazi Vestine&Dorcas afasha.

Umuvugizi w’Urwego rushinzwe ubugenzacyaha mu Rwanda (RIB), Thierry Murangira yemeje ko bakiriye ikirego ku ya 19 Nyakanga, cyatanzwe na Mike Karangwa, ashinja Irene Murindahabi, umuyobozi mukuru wa Murindahabi Irene Entertainment (MIE) gukwirakwiza ibihuha ku mbuga nkoranyambaga, ndetse ko hakomeje iperereza.

Umunyamakuru Mike Karangwa, umaze igihe mu myidagaduro mu Rwanda, yatutswe cyane cyane n’abantu bamwita igisambo nyuma y’uko M.Irene amushinje ko yagize uruhare mu kumwangisha umuryango wa bariya bakobwa 2 afasha mu muziki.

Mike Karangwa usanzwe akorera kuri BTN TV yareze M. Iréné ukorera Isibo TV ko yatangaje amakuru y’ibihuha ku mbuga nkoranyambanga amusebya bikamuviramo gutukwa, guharabikwa, guterwa ubwoba no gutakarizwa icyizere muri rubanda.

Muri icyo kirego Mike Karangwa yavuze ko M. Iréné yavuze ndetse akandika ku mbuga nkoranyambaga ze ko ari umugambanyi, igisambo kuko ashaka gusenya ibyo yagezeho amuteranya na Vestine na Dorcas.

M. Irene uri gukurikiranwa na RIB adafunze, hari amakuru avuga ko kuri uyu wa Kabiri tariki 20 yagaragaye ku station ya RIB ya Nyamirambo ku buryo bishoboka ko yari yitabye ngo abazwe kuri ibyo birego.

Mu gihe M. Iréné yahamwa n’icyaha yarezwe cyo gutangaza amakuru y’ibihuha, yahanishwa ingingo ya 39 y’itegeko No 60/2018 ryo ku wa 22/8/2018 ryerekeye gukumira no guhana ibyaha bikoreshejwe ikoranabuhanga. Ivuga ko uhamijwe iki cyaha ahabwa igifungo kitari munsi y’imyaka itatu ariko kitarenze itanu n’amafaranga y’u Rwanda atari munsi ya 1.000.000 Frw ariko atarenze 3.000.000 Frw.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urukiko rwategetse ko Rashid Hakuzimana afungwa iminsi 30 y’agateganyo

Urukiko rw’Ibanze rwa Nyarugenge rwategetse ko Hakizimana Abdul Rashid...
22 November 2021 0

Jado Castar yajuririye igifungo cy’imyaka 2 yahawe

Umunyamakuru akaba yari na Visi Perezida wa FRVB,Bagirishya Jean de Dieu...
22 November 2021 0

Bivuze iki kuba Umucamanza yarahaniye Cyuma Hassan icyaha kitabaho...

Ubushinjacyaha bwatangaje ko bwajuriye busaba ko hakosorwa kuba Niyonsenga...
17 November 2021 1

Rashid yahakanye ibyaha byose arengwa anavuga ko yakorewe iyicarubozo ryo...

Umugabo uzwi uzwi kuri channel zinyuranye za YouTube no ku ye bwite Rashid...
17 November 2021 0

Muhanga: Gitifu washinjwaga gusambanya ku gahato no gutera indwara idakira...

Uwahoze ari umunyamabanga Nshingwabikorwa w’Umurenge wa Muhanga, Ntezirembo...
17 November 2021 0

Kigali: Abagabo babiri bakurikiranyweho kwica umuntu bamukubise Fer-a beton...

Kuri uyu wa mbere urukiko rwibanze rwa Nyarugenge rwategetse ko Uwitwa...
15 November 2021 0