skol
Fortebet

Urubanza rwa Christopher Kayumba wahoze ari umwarimu wa kaminuza rwasubitswe

Amakuru   Yanditswe na: Dusingizimana Remy 24 September 2021

Urukiko rw’ibanze rwa Kicukiro mu mujyi wa Kigali rwasubitse urubanza rwa Christopher Kayumba ukurikiranyweho icyaha cyo gukoresha umuntu imibonano ku gahato.

Christopher Kayumba, wari umaze iminsi mu bitaro, avuga ko ubuzima bwe butamwemerera kuburana kandi ko atabonye igihe cyo gusoma dosiye y’ibirego.

Uyu mugabo wigeze kuba umwarimu wa kaminuza, avuga ko ibyo ashinjwa bihishe impamvu za politiki.

Mu masaha y’igicamunsi ku wa kane ni bwo inteko y’umucamanza umwe n’umwanditsi yatangije uru rubanza rwabaye mu buryo bw’ikoranabuhanga ababuranyi bahuzwa n’inzira y’amashusho.

Ubwo yari ahawe ijambo, Christopher Kayumba yasabye ko urubanza rwe rusubikwa. Yabwiye umucamanza ko ubuzima bwe budahagaze neza ndetse ko yari amaze iminsi mu bitaro.

Yabwiye umucamanza ko muganga yasabye ko yakwitabwaho byihariye kubera uburwayi afite.

Christopher Kayumba yasabye guhabwa ibyumweru bibiri byo kwivuza no kureba muri dosiye y’ibirego.

Hari hashize iminsi bivugwa ko uyu Kayumba ari mu myigaragambyo yo kwiyicisha inzara kandi anafite uburwayi bwa diyabete.

Kuri iyi nzitizi, ubushinjacyaha bwavuze ko impamvu y’uburwayi idakwiye guhabwa agaciro kuko Kayumba yavuye mu bitaro bitegetswe n’abaganga babonaga ko yakize.

Gusa ku mpamvu yo guhabwa igihe cyo gusoma dosiye, ubushinjacyaha nabwo bwemera ko ari uburenganzira bw’uregwa.

Gusa bwavuze ko mu kongera igihe hagomba gutekerezwa ko imanza nk’izi zigomba kuburanishwa byihutirwa kuko ari iz’ifunga n’ifungura ry’agateganyo zitagomba kurenza iminsi ibiri ikirego kigejejwe mu rukiko.

Nyuma y’impaka hagati y’impande zombi, umucamanza yategetse ko ababuranyi bazongera kwitaba urukiko ku itariki ya 28 z’uku kwezi kwa cyenda.

Icyo gihe haburanwa ikibazo cy’ifunga ry’agateganyo cyangwa se irekurwa ry’uregwa akaburana ari hanze.

Ubwo yatabwaga muri yombi muri uku kwezi, urwego rw’igihugu rw’ubugenzacyaha (RIB) rwatangaje ko Kayumba akurikiranyweho icyaha cyo gukoresha undi imibonano mpuzabitsina ku gahato.

Gusa Kayumba we agahakana ibyo ashinjwa avuga ko byahimbwe ku mpamvu za politiki.

Christopher Kayumba yari aherutse gushinga ishyaka Rwandese Platform for Democracy (RPD) ritaremerwa mu gihugu.

Uyu mugabo yakunze kumvikana anenga cyane ishyaka riri ku butegetsi, impamvu bamwe basanga yaba ari nyirabayazana y’ifungwa rye.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Karongi:Umukobwa wateye icyuma mwarimu akamwica yaburanishijwe

Umukobwa wo mu Mudugudu wa Nyabiranga, Akagari ka Muhororo mu Murenge wa...
6 August 2022 0

Musanze: Umuganga yakatiwe igifungo cy’imyaka 25 ahamijwe gusambanya umwana...

Urukiko Rwisumbuye rwa Musanze rwakatiye igifungo cy’imyaka 25 Muganga...
28 July 2022 0

Wa mukozi wo mu rugo washinjwaga kwica umwana w’aho yakoraga yakatiwe...

Urukiko Rwisumbuye rwa Gasabo, rwakatiye igifungo cya burundu,...
25 July 2022 0

Dr Venant Rutunga wari ukuriye ISAR ushinjwa ibyaha bya Jenoside yabwiye...

Urugereko rwihariye rw’urukiko rukuru rukorera mu mujyi wa Nyanza mu...
19 July 2022 0

Abanyamakuru ba Iwacu TV basabiwe gufungwa imyaka 22

Ubushinjacyaha bwasabye ko abanyamakuru batatu ba Iwacu TV yakoreraga...
16 July 2022 0

Inteko y’America yemeje umwanzuro usaba u Rwanda kurekura Rusesabagina...

Inteko ishingamategeko ya Amerika, umutwe w’abadepite, yemeje umwanzuro wo...
15 July 2022 2