skol

Urubanza rwasubitswe kubera impaka kuri Paul Rusesabagina nubwo atari ahari

Amakuru   Yanditswe na: Dusingizimana Remy 17 January 2022

Abaregwa - uretse Paul Rusesabagina, abaregera indishyi, n’ubushinjacyaha, baje mu rukiko rw’Ubujurire kuburana, ariko impaka ku kutahaboneka kwa Rusesabagina zatumye uru rubanza rusubikwa.

Rusesabagina, ufatwa nk’ukuriye abaregwa iterabwoba muri uru rubanza, umwaka ushize yakatiwe gufungwa imyaka 25 nubwo yari yararwivanyemo muri Werurwe (ukwa gatatu).

Abareganwa barajurira ngo ibihano bakatiwe bigabanywe, abaregera indishyi barajuririra ko bahawe nkeya ukurikije ababo cyangwa ibyabo babuze mu bitero bya FLN, naho Ubushinjacyaha burajurira ko abo bwareze bahawe ibihano bito.

Uru urubanza rwavuzwe kurusha izindi mu myaka irenga 20 ishize mu Rwanda, ruregwamo Rusesabagina - uzwi ku isi kubera film ya Hollywood yiswe ’Hotel Rwanda’ ishingiye ku nkuru ye muri jenoside itavugwaho rumwe - wahamwe n’ibyaha by’iterabwoba.

Uyu munsi mu rukiko, umucamanza yahamagaye buri umwe mu baregwa 20 akitaba, ageze kuri Rusesabagina haba guceceka, ari we cyangwa umwunganira nta n’umwe wari uhari.

Ubushinjacyaha bwavuze ko Rusesabagina yahamagajwe n’urukiko ariko akanga kwitaba, ko bajya no gupima Covid-19 abandi bareganwa na we ngo bazaze kuburana, we yabyanze.

Ubushinjacyaha buvuga ko ibi biri muri raporo yatanzwe na gereza ya Kigali afungiyemo.

Bamwe mu banyamategeko - batari aba Rusesabagina - bavuze ko nta kigaragaza ko yahamagajwe bikurikije amategeko nk’uko Ubushinjacyaha bwabivugaga.

Bavuze ko nta kintu cyerekana ko Rusesabagina yahamagajwe n’umuntu ubifitiye ububasha - umwanditsi w’urukiko - akanga kwitaba.

Bakavuga ko byaba bidakurikije amategeko uru rubanza mu bujurire ruburanishijwe adahari kandi nta cyerekana ko yahamagajwe n’ubifitiye ububasha.

Aba banyamategeko bavuze ko gereza nta bubasha ifite bwo guhamagaza abajya kuburana, bityo raporo yayo, ishingirwaho n’ubushinjacyaha, nta gaciro ifite.

Raporo ya gereza ivuga ko Rusesabagina yahamagajwe ariko akanga gusinya ku nyandiko imuhamagaza, nk’uko Ubushinjacyaha bwabivuze.

Ndetse bushimangira ko na mbere mu rubanza mu rukiko rukuru yarwivanyemo akanga kwitaba.

Izi mpaka ku kubura kwa Rusesabagina zatumye urukiko rwiherera, rugarutse ruvuga ko umwanzuro kuri zo uzatangazwa ejo ku wa kabiri, hamwe n’igihe urubanza ruzasubukurwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ishimwe Dieudonne "Prince Kid"yatanze impamvu 6 zikomeye mu...

Ishimwe Dieudonne uzwi nka Prince Kid,Umuyobozi mukuru w’ikigo Rwanda...
21 May 2022 0

Hacura iki mu gihe abakomeye bavugwaho ruswa bagakingirwa ikibaba?

Mu binyamakuru byo mu Rwanda hakomeje kugaragaramo inkuru ya Bamporiki...
18 May 2022 0

Ishimwe Dieudonné yahanaguweho icyaha gikomeye asigarana ibindi...

Ishimwe Dieudonné uzwi cyane nka "Prince Kid" wateguraga irushanwa rya Miss...
16 May 2022 0

Urukiko rwafashe icyemezo cyo gufunga by’agateganyo Prince Kid iminsi...

Ishimwe Dieudonne ’Prince Kid’, yasomewe iki cyemezo cy’Urukiko ku gicamunsi...
16 May 2022 0

RIB yashyikirije Ubushinjacyaha Dosiye ya Miss Elsa na Notaire...

Ku wa Gatanu tariki 13 Gicurasi RIB yashyikirije Ubushinjacyaha dosiye ya...
16 May 2022 0

Laurent Bucyibaruta wabaye perefe wa Gikongoro yagaruwe mu rukiko

Urukiko rwa rubanda rw’i Paris mu Bufaransa kuri uyu wa Mbere rwakomeje...
16 May 2022 0