skol

Urukiko rwahaye Safari George wagaragaye mu mashusho ari kuniga umu DASSO gufungwa iminsi 30 y’agateganyo

Amakuru   Yanditswe na: Dusingizimana Remy 9 September 2021

Urukiko rw’ibanze rwa Nyagatare rwategetse ko Safari George uherutse kugaragara mu mashusho aniga DASSO afungwa iminsi 30 y’agateganyo kubera impamvu zikomeye zituma akekwaho icyaha.


Urukiko rw’ibanze rwavuze ko rukurikije ibyavuzwe n’abatangabuhamya, rwasanze hari impamvu zikomeye zatumye rufata uyu mwanzuro wo kumufunga iminsi 30 y’agateganyo.

Safari akurikiranyweho ibyaha bibiri birimo gukubita no kubangamira ubuyobozi buri mu kazi gusa we yabwiye urukiko ko atigeze atega DASSO nkuko ubushinjacyaha bwabivuze ahubwo ko babanje kugundagurana akaza kumwigaranzura akamujya hejuru.

Safari George wo mu Kagari ka Musenyi mu Murenge wa Karangazi mu Karere ka Nyagatare yatawe muri yombi mu kwezi gushize nyuma yo kugaragara mu mashusho ari kuniga umukozi ushinzwe gucunga umutekano mu rwego rwa DASSO akenda kumuheza umwuka.

Mu mashusho yakwirakwijwe ku mbuga nkoranyambaga,umukozi wo mu rwego rwa DASSO yagaragaye ari gukurura umupira umushumba nabi cyane kugeza ubwo awuciye.

Mu kanya gato, Bwana Safari yagaragaye ari hejuru y’uyu mukozi wa DASSO wambaye impuzankano yamunize undi ari kuvuza induru ati "Aranyishe we,aranyishe."

Gitifu w’akagari watabaye yumvikanye ari kuvuga ati "Nyubaha Safari",hanyuma aramurekura uyu mu Dasso ahita agenda.

Safari George yahise atabwa muri yombi ajya gufungirwa kuri station y’Urwego rw’Igihugu rw’Ubugenzacyaha RIB ya Karangazi.

Umu DASSO wagaragaye muri aya mashusho hamwe n’umunyamabanga Nshingwabikorwa w’Akagari ka Musenyi bafashe aya mashusho, bahise bahagarikwa ku kazi bazira gukoresha imbaraga z’umurengera ku muturage.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uwari umukozi wa Kizito Mihigo yakatiwe igifungo cy’imyaka 5 n’igice

Umucamanza mu rukiko rwisumbuye rwa Nyarugenge i Kigali yahanishije igihano...
22 October 2021 0

Muhanga: Imiryango irahishira uwateye inda umwana na we imwita...

Mu murenge wa Shyogwe hari umwana w’umukobwa watewe inda yiga mu mashuri...
21 October 2021 0

Musanze: Hashyizweho amatsinda yo kugaragaza ihohoterwa rikorerwa abagore...

Mu karere ka Musanze, haravugwa amatsinda akurikirana ihohoterwa...
21 October 2021 0

Huye: Umugabo afunzwe ashinjwa gutwika abana be abaziza kumwiba 5000...

Ubushinjacyaha ku Rwego Rwisumbuye rwa Huye bukurikiranye umugore w’imyaka...
21 October 2021 0

Ubushinjacyaha bwajuririye imikirize y’urubanza rwa Rusesabagina na bagenzi...

Ubushinjacyaha bw’u Rwanda bwatangaje ko bwajuririye imikirize y’urubanza...
20 October 2021 0

Rulindo: Yabyaye impanga ku myaka 17 abana n’umugabo amezi abiri

Umukobwa wo mu murenge wa Base akarere ka Rulindo, yavuye iwabo agiye...
20 October 2021 0