skol

Urukiko rwemeje ko Umunyemari Mudenge warekuwe ariko agakomeza gufungwa nta tegeko ryishwe

Amakuru   Yanditswe na: Dusingizimana Remy 22 March 2022

Urukiko rw’Ibanze rwa Nyarugenge rwemeje ko kuba umunyemari Mudenge Emmanuel yarafatiwe icyemezo cyo gufungurwa by’agateganyo ariko agakomeza gufungwa, nta tegeko ryishwe kuko hari ibindi byaha akurikiranywemo.

Kuri uyu wa Mbere tariki 21 Werurwe 2022, Urukiko rw’Ibanze rwa Nyarugenge rwasomye icyemezo cyarwo, rwemeza ko nta mpamvu yo gutumiza umuyobozi wa Gereza ya Nyarugenge,S.P Uwayezu Augustin, ndetse ko kuba uregwa yarakomeje gufungwa nta tegeko ryishwe.

Kuwa 17 Werurwe 2022,Urukiko rwibanze rwa Nyarugenge rwari rwaburanishije Urubanza ruregwamo SP Uwayezu Augustin Uyobora Gereza ya Nyarugenge aho Mudenge Emmanuel n’abanyamategeko be bari batanze ikirego muri Uru rukiko bavuga ko Mudenge Emmanuel afunze mu buryo bunyuranije n’amategeko.

Mudenge Emmanuel yari yabwiye Urukiko ko Kuwa 04 Werurwe 2022 Umucamanza yategetse ko afungurwa by’agateganyo Gereza ikamuha igipapuro kimufungura mugihe yarari kwitegura gutaha kuri Gereza hagahita haza abakozi ba RIB bakamubwira ko atarekurwa na Gereza kuko hari ikindi cyaha RIB imukurikiranyeho cyo kunyereza Umutungo.

Nyuma yo kumenyeshwa icyo cyaha gishya RIB yamubwiriye kuri Gereza Mudenge Emmanuel avuga ko yahise yamburwa icyemezo Kimufungura n’ubuyobozi bwa Gereza agasubizwa muri Gereza agafungwa muburyo bunyuranije n’amategeko kuko muri System y’inkiko yari yakuwemo nk’Uwarekuwe.

Mudenge Emmanuel yatawe muri yombi tariki 29 Ukuboza 2021, akurikiranyweho icyaha cyo gukoresha inyandiko mpimbano mu kwaka inguzanyo muri banki ya miliyoni 100 Frw.

Tariki 04 Werurwe 2022, Urukiko rwari rwafashe icyemezo cyo gufungura by’agateganyo uyu munyemari ukurikiranyweho gukoresha inyandiko mpimbano.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hacura iki mu gihe abakomeye bavugwaho ruswa bagakingirwa ikibaba?

Mu binyamakuru byo mu Rwanda hakomeje kugaragaramo inkuru ya Bamporiki...
18 May 2022 0

Ishimwe Dieudonné yahanaguweho icyaha gikomeye asigarana ibindi...

Ishimwe Dieudonné uzwi cyane nka "Prince Kid" wateguraga irushanwa rya Miss...
16 May 2022 0

Urukiko rwafashe icyemezo cyo gufunga by’agateganyo Prince Kid iminsi...

Ishimwe Dieudonne ’Prince Kid’, yasomewe iki cyemezo cy’Urukiko ku gicamunsi...
16 May 2022 0

RIB yashyikirije Ubushinjacyaha Dosiye ya Miss Elsa na Notaire...

Ku wa Gatanu tariki 13 Gicurasi RIB yashyikirije Ubushinjacyaha dosiye ya...
16 May 2022 0

Laurent Bucyibaruta wabaye perefe wa Gikongoro yagaruwe mu rukiko

Urukiko rwa rubanda rw’i Paris mu Bufaransa kuri uyu wa Mbere rwakomeje...
16 May 2022 0

Urubanza rwa Bucyibaruta I Paris: Inzobere mu by’ubuzima zivuga ko nta...

Ku munsi wa kabiri w’urubanza rwa Bucyibaruta Laurent rubera I Paris mu...
12 May 2022 0