Minisiteri y’Ubuzima yatangaje ko kuri uyu wa Gatanu, COVID-19 yahitanye abantu 11 bituma abamaze gupfa bagera kuri 798.Abapfuye n’abagore 6 n’abagabo 5.
Abarwayi bashya babonetse ni 971 barimo ab’i Kigali 135.Uyu munsi ibitaro byakiriye abarwayi b’icyo cyorezo 34 mu gihe abasezewe ari 9. Abakingiwe ni 4,240 mu Rwanda.
Ikigo cy’Igihugu gishinzwe Ubuzima (RBC) kirahamagarira abagore batwite n’abonsa kwikingiza COVID-19 ntibacikanwe n’ayo mahirwe kugira ngo babungabunge ubuzima bwabo n’ubw’abana. (...)

Sponsored Ad

Minisiteri y’Ubuzima yatangaje ko kuri uyu wa Gatanu, COVID-19 yahitanye abantu 11 bituma abamaze gupfa bagera kuri 798.Abapfuye n’abagore 6 n’abagabo 5.

Abarwayi bashya babonetse ni 971 barimo ab’i Kigali 135.Uyu munsi ibitaro byakiriye abarwayi b’icyo cyorezo 34 mu gihe abasezewe ari 9.
Abakingiwe ni 4,240 mu Rwanda.

Ikigo cy’Igihugu gishinzwe Ubuzima (RBC) kirahamagarira abagore batwite n’abonsa kwikingiza COVID-19 ntibacikanwe n’ayo mahirwe kugira ngo babungabunge ubuzima bwabo n’ubw’abana.

RBC isobanura ko ababyeyi bonsa n’abatwite bashobora gufata urukingo rw’ iki cyorezo kuko kizahaza cyane abagore batwite kandi ubushakashatsi bwatangiye kwerekana ko ubudahangarwa umubyeyi abona nyuma yo gukingirwa ashobora kubusangiza umwana we binyuze mu kumwonsa.

Kuva urukingo rw’iki cyorezo rwatangira gutangwa mu Rwanda abagore batwite n’abonsa ntibari bemerewe kwikingiza bitewe n’uko hari hatarakorwa ubushakashatsi ngo harebwe niba nta ngaruka rwabagiraho.

Umuyobozi Mukuru wa RBC Dr Nsanzimana Sabin avuga ko bimaze kugaragara ko abagore batwite bibasirwa na COVID-19 kurusha abadatwite igihe bahuye na yo, akaba abashishikariza kwikingiza ndetse abaganga babakurikirana bakaba babafasha kubona ayo mahirwe.

Umugore utwite ukingiwe aba abungabunze ubuzima bwe n’ubw’umwana kuko uru rukingo rudakoze muri virusi nzima ngo ibe yatera uburwayi cyangwa ikindi kibazo ndetse ko atari n’urukingo rwinjira mu turemangingo umubyeyi aba asangiye n’umwana we, nkuko yakomeje abisobanura.

Mu butumwa yatanze kuri Twitter ya RBC yagize ati: “Abagore batwite bimaze kugaragara ko bibasirwa na COVID-19 kurusha abadatwite. Turashishikariza ababyeyi batwite n’abaganga babakurikirana y’uko bahabwa ayo mahirwe yo kuba hatangwa urwo rukingo, turinda ubuzima bw’uwo mubyeyi n’umwana we”.

Dr Nsanzima yakomeje asobanura n’ibirebana n’abagore bonsa. Ati: “Ku bonsa ubushakashatsi butangiye kugaragara kandi busobanutse bugaragaza ko uwonsa umwana adakwiye kwiyima amahirwe yo gufata urukingo rwa COVID-19, kuko ubushakashatsi bumaze gukorwa; n’abakingiwe bonsa mu gihe tumaze cyose dutanga uru rukingo biragaragara ko nta ngaruka rufite haba ku mubyeyi wonsa ndetse no ku mwana, ahubwo rushobora kuba rwagira icyo rurinda umubyeyi no ku mwana we”.

Umuyobozi Mukuru wa RBC Dr Nsanzimana Sabin ashimangira ko urukingo ku mubyeyi wonsa no ku mubyeyi utwite rushobora gutangwa kugira ngo hirindwe ibyago byaterwa na virus ya COVID-19.