skol
Kigali

Abantu 13 bahitanwe na Covid-19 mu Rwanda abandi 600 barayandura

Amakuru   Yanditswe na: Dusingizimana Remy 10 August 2021

Minisiteri y’Ubuzima yatangaje ko kuri uyu wa Kabiri, abantu 13 bishwe na COVID-19 mu Rwanda, bituma abamaze gupfa bagera kuri 911. Abapfuye n’abagore 8 n’abagabo 5.

Abarwayi bashya babonetse ni 600 bagejeje abamaze gutahurwa ku 77,245 guhera muri Werurwe 2020. Muri abo abamaze gukira barasaga 60,000.

Abasezerewe mu bitaro uyu munsi ni 22 mu gihe ababihawe ari 14.Abakingiwe ni 30,553 batumye abamaze gukingirwa mu Rwanda baba 680,470.

Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.

Ku munsi w’ejo, tariki ya 9 Kanama 2021, nibwo mu Mujyi wa Kigali bitabiriye bwa mbere igikorwa cyo kwipimisha Covid-19 mu buryo bwihuse (rapid test) mu mavuriro yigenga yo hirya no hino.

Ku wa 1 Kanama 2021 ni bwo Ikigo cy’Igihugu gishinzwe Ubuzima (RBC) cyatangaje ko igiciro cyo kwipimisha Covid-19 mu buryo bwihuse (rapid test) mu mavuriro cyagabanyijwe, kigashyirwa ku 5000 Frw kivuye ku 10.000 Frw.

Mu Rwanda kwipimisha Covid-19 bikorwa mu buryo bubiri. Hari ikizamini gifatwa cyihuta kizwi nka “Antigen Covid-19 rapid test” ari nacyo cyashyizwe kuri 5000 Frw. Iki kiboneka umuntu apimwa mu mazuru ibisubizo bikaboneka mu minota itarenze 15.

Hari ikindi cyitwa “PCR” gifatwa mu kanwa cyo kiba kigamije gucukumbura ngo kirebe ko umuntu adafite ubwandu bwa Covid-19, ibisubizo biboneka nyuma y’amasaha 24, umuntu akishyura 47.200 Frw.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

MINALOC yakomoreye abana kugaruka mu nsengero mu mabwiriza mashya...

Minisiteri y’Ubutegetsi bw’Igihugu yasohoye amabwiriza mashya agenga...
20 October 2021 0

Urujijo ku miryango yasigaye ahahoze inkambi ya Gihembe yafunzwe

Mu gihe kuwa mbere w’iki Cyumweru Leta y’u Rwanda yafunze ku mugaragaro...
20 October 2021 0

Ngororero: Umurambo wataburuwe ushyingurwa na ba nyirawo nyuma yo guhabwa...

Umuryango wo mu Murenge wa Gatumba mu Karere ka Ngororero washyinguye...
19 October 2021 0

Liberia:Umusore watoraguye $50,000 akayasubiza nyirayo yahembwe...

Perezida wa Liberia George Weah yahaye icyubahiro umumotari w’imyaka 18...
19 October 2021 0

"Amategeko n’amabwiriza niyubahirizwe kugira ngo habungabungwe ikibaya cya...

Ishyaka riharanira demokarasi no kurengera ibidukikije mu Rwanda...
16 October 2021 0

Muhanga: Urubyiruko rwiyemeje kuba umusemburo mu kwimakaza ihame...

Urubyiruko mu Karere ka Muhanga rwiyemeje kurushaho gutanga umusanzu mu...
15 October 2021 0