Minisiteri y’Ubuzima yatangaje ko kuri uyu wa Kabiri taliki ya 03 Kanama 2021,icyorezo Cya Covid-19 cyahitanye abantu 13 byatumye abamaze gupfa bagera kuri 844.Abapfuye n’abagore 9 n’abagabo 4.
Kuri uyu wa Kabiri kandi habonetse abarwayi bashya 775 ba COVID-19 mu Rwanda bangana na 7.2% by’ibipimo byafashwe.Abantu 12 ni bo basezerewe mu bitaro mu gihe abashya babihawe ari 25. Uyu munsi abantu 9,618 bahawe urukingo.
Ku wa 30 Nyakanga 2021, Guverinoma y’u Rwanda yavanyeho Gahunda ya Guma Mu (...)

Sponsored Ad

Minisiteri y’Ubuzima yatangaje ko kuri uyu wa Kabiri taliki ya 03 Kanama 2021,icyorezo Cya Covid-19 cyahitanye abantu 13 byatumye abamaze gupfa bagera kuri 844.Abapfuye n’abagore 9 n’abagabo 4.

Kuri uyu wa Kabiri kandi habonetse abarwayi bashya 775 ba COVID-19 mu Rwanda bangana na 7.2% by’ibipimo byafashwe.Abantu 12 ni bo basezerewe mu bitaro mu gihe abashya babihawe ari 25. Uyu munsi abantu 9,618 bahawe urukingo.

Ku wa 30 Nyakanga 2021, Guverinoma y’u Rwanda yavanyeho Gahunda ya Guma Mu Rugo mu Mujyi wa Kigali no mu Turere twa Burera, Gicumbi, Kamonyi, Musanze, Nyagatare, Rubavu, Rwamagana na Rutsiro.

Ni mu gihe indi Mirenge igera kuri 50 yo mu tundi Turere yashyizwe muri Guma Mu Rugo kuko ifite ubwandu buri hejuru cyane, yo ikomeje kubahiriza ayo mabwiriza, na ho ahandi hose ingendo zikaba zibuhijwe guhera saa kumi n’ebyiri z’umugoroba kugeza saa kumi n’imwe za mugitondo.

Ingendo hagati y’Umujyi wa Kigali n’lntara ndetse n’Uturere tw’lgihugu zirasubukuwe, uretse izo kujya no kuva mu Mirenge iri muri Gahunda ya Guma mu rugo.

Kuva kuri uyu wa 2 Kanama, abaturage ibihumbi 10 bagiye kujya bakingirwa Covid-19 buri munsi, mu mugambi wa Leta wo gutanga inkingo kuri 30% by’abaturage mbere y’uko uyu mwaka urangira.

Inkingo zizatangwa ni izakozwe n’uruganda rwa Pfizer, zikazatangirwa mu bigo nderabuzima ndetse no ku zindi site zateganyijwe.

Muri rusange uku kwezi kuzarangira Abanyarwanda ibihumbi 300 bakingiwe, biyongere ku bandi barenga ibihumbi 400 bamaze gukingirwa, bitume umubare w’abamaze gukingirwa ugera ku bantu barenga ibihumbi 700 mu mpera z’uku kwezi.

Umunyamabanga wa Leta muri Minisiteri y’Ubuzima, Ushinzwe Ubuzima bw’Ibanze, Dr. Mpunga Tharcisse, yavuze ko ibi bikorwa bizibanda ku baturage bari hejuru y’imyaka 40.

Mu kiganiro na RBA, yagize ati “Iki ni igikorwa kigari cyo gukingira abantu benshi batuye mu Mujyi wa Kigali cyane cyane abari mu myaka 40 kuzamura, abagore batwite kuva ku byumweru 12, abonsa ariko n’abandi bantu bakora mu buzima busanzwe nk’ubucuruzi n’indi mirimo ifite aho ihuriye n’iterambere.”