skol
fortebet

Abantu 14 bahitawe na Covid-19 mu Rwanda abandi 911 barayandura

Yanditswe: Friday 09, Jul 2021

featured-image

Sponsored Ad

Minisiteri y’Ubuzima yatangaje ko kuri uyu wa Kane,COVID-19 yahitanye abandi bantu 14, abamaze kwamburwa ubuzima na yo bagera kuri 521.Abapfuye n’abagore umunani b’imyaka 89 (Rulindo), 82 (Musanze), 74 (Rubavu), 74 (Rutsiro), 63 (Musanze), 58 (Nyamasheke), 43 (Karongi), 37 (Kigali) n’abagabo batandatu b’imyaka 95, 65 (Nyagatare), 58 (Musanze), 55, 49 (Kigali) 27 (Rubavu).

Sponsored Ad

Abarwayi bashya bageze kuri 911, mu gihe abakize bashya babaye 984.
Abakirimo kwitabwaho n’abaganga mu Rwanda ni 15,238 barimo 71 barembye.

Abantu 252,580 bamaze guhabwa doze ya kabiri y’urukingo rwa COVID-19 (AstraZeneca) barimo 572 bayihawe uyu munsi

Minisitiri w’ubuzima yatangaje ko hari ibigaragaza ko ubu bwoko bwa Covid-19 bwabonetse bwa mbere mu Buhinde bwamaze kugera no mu Rwanda.

Mu byumweru bine bishize imibare y’abandura n’abicwa na Covid mu Rwanda yarazamutse ku rugero rutabayeho kuva iki cyorezo cyahagera mu kwa gatatu 2020.

Minisitiri w’ubuzima Dr Daniel Ngamije yabwiye televiziyo y’u Rwanda ati: “Ibipimo turi gukora biri kutwereka ko hari ibimenyetso simusiga ko Delta variant ihari mu Rwanda.”

Ubu bwoko bushya bw’iyi virus bwandura vuba kandi bufite ibimenyetso bikaze kurushaho, mu karere bwamaze kuboneka no muri DR Congo, Uganda na Kenya.

Ishami rya ONU ryita ku buzima OMS/WHO rivuga ko ubu bwoko ari bwo buri guteza inkubiri ya gatatu ya Covid mu bihugu byinshi bya Africa.

Abaturarwanda barasabwa kutirara kuko icyorezo cyakajije umurego ndetse hakomeje gufatwa ingamba nshya zigamije gukumira ikwirakwizwa ryacyo, harimo no kwirinda ingendo zitari ngombwa no kwirinda guhurira ahantu hahurira abantu benshi kandi hafunganye.

Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.

Ku Isi, abamaze kwandura COVID-19 muri rusange bararenga miliyoni 186 barimo abasaga miliyoni 170 bakize ndetse na miliyoni 4 z’abantu bamaze kubura ubuzima kubera icyo cyorezo.


Ibitekerezo

  • Iki ni igihe cyo kurushaho kwegera Imana, ubu abantu benshi barimo gukira COVID abandi bakabona ubudahangarwa bwo kutayirwara binyuze mu masengesho abera online. Dukurikize amabwiriza ya Leta n’abashinzwe ubuzima, dukingirwe ariko kandi abemera ko Yezu Kristu Nyirimpuhwe ashobora gukiza COVID n’izindi ndwara zose, agasubiza n’ibibazo byose bihangayikishije abantu, mbararikiye kujya mukurikira buri munsi kuri Youtoube aya masengesho akurikirwa n’abantu bo ku isi yose:
    1. Divine Retreat Centre Rwanda by Fr Antony 18h nimugoroba ( Youtoube or Zoom: ID: 89102820231; Password: 232090)
    2. Divine Retreat Centre UK guhera 18h nimugoroba
    3. Divine Mercy Healing Logos Retreat Centre Bangalore guhera 11h30 z’amanywa

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa