Kuri iki Cyumweru taliki ya 25 Nyakanga 2021, Minisiteri y’Ubuzima yatangaje abantu bashya 616 banduye icyorezo cya COVID-19, bangana na 5.4% by’ibipimo 11,339 byafashwe mu masaha 24 ashize. Ni mu gihe mu bipimo 132,319 byafashwe mu minsi 7 habonetsemo abarwayi bashya 7,905 bangana na 5.9%.

Sponsored Ad

Abantu 15 bishwe na COVID-19 barimo abagore 8 b’imyaka 89 (Nyagatare), 77 (Gatsibo), 74 (Burera), 64 (Rusizi), 64 (Muhanga), 50 (Musanze) & 36, 24 (Kigali) n’abagabo 7 b’imyaka 78, 74, 57, 41, 38 (Kigali), 59 (Nyagatare) & 37 (Karongi).

Abakize iKI cyorezo ni 14 mu gihe abashya bahawe ibitaro ari 10. Mu minsi irindwi na bwo hasezerewe abarwayi 113 mu gihe abashya binjiye mu bitaro ari 229, ubu abarembye barimo bakaba ari 66.

Abarwayi bashya barimo abo mu Mujyi wa Kigali 108, Kamonyi 69, Burera 58, Karongi 43, Nyamagabe 39, Muhanga 39, Gatsibo 37, Musanze 34, Rusizi 23, Gakenke 20, Gicumbi 19, Ngororero 19, Kayonza 18, Nyanza 18, Huye 17, Nyabihu 10, Gisagara 16, Nyagatare 10, Nyaruguru 9, Rwamagana 8, Kirehe 6, Rubavu 4 na Nyamasheke 1.

Uyu munsi, abantu bashya 1,171 bahawe doze ya mbere y’urukingo rwa COVID-19, mu gihe abamze gukingirwa byuzuye bageze ku 426,558.

Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.